Beating Retreat ceremony: وجے چوک میں بیٹنگ ریٹریٹ تقریب کے دوران ہندوستانی دھنوں کی گونج، صدر جمہوریہ اور وزیراعظم ہوئے شریک

نئی دہلی: جمعرات کے روز قومی راجدھانی دہلی کے تاریخی وجے چوک میں منعقدہ بیٹنگ ریٹریٹ تقریب کے دوران دل موہ لینے والی ہندوستانی دھنوں کی گونج سنائی دی، جس کے ساتھ ہی 77ویں یومِ جمہوریہ کی تقریبات کا باضابطہ اختتام ہوا۔ ہندوستانی فوج، بحریہ، فضائیہ اور مرکزی نیم فوجی دستوں (CAPFs) کے بینڈز نے جوش و خروش سے بھرپور دھنیں پیش کیں۔ ہم آہنگ مارچ پاسٹ اور ہندوستانی روایات سے ماخوذ مختلف اشکال کی تشکیل نے حاضرین کو بے حد متاثر کیا، جس پر عوام نے پرجوش تالیاں بجا کر داد دی۔  تقریب کا آغاز ماسڈ بینڈ کی مشہور دھن ’’قدم قدم بڑھائے جا‘‘ سے ہوا، جس نے فضا کو حب الوطنی کے جذبے سے سرشار کر دیا۔ اس موقع پر صدر جمہوریہ دروپدی مرمو، نائب صدر سی پی رادھاکرشنن اور وزیراعظم نریندر مودی تقریب میں شریک ہوئے۔ علاوہ ازیں وزیر دفاع راج ناتھ سنگھ اور متعدد مرکزی وزراء بھی موجود تھے۔

وزیراعظم کا سوشل میڈیا پر پیغام

وزیراعظم نریندر مودی نے کہا کہ بیٹنگ ریٹریٹ تقریب ہندوستان کے شاندار فوجی ورثے کی طاقت کی عکاسی کرتی ہے۔ انہوں نے کہا کہ یہ تقریب مسلح افواج کی روایات، نظم و ضبط اور بہادری کو اجاگر کرتی ہے، جو ملک کی حفاظت میں ہمہ وقت مصروف ہیں۔ ’ایکس‘ پر ایک پوسٹ میں وزیراعظم نے کہا: ’’آج شام بیٹنگ ریٹریٹ تقریب منعقد ہوگی، جو یومِ جمہوریہ تقاریب کے اختتام کی علامت ہے۔ اس میں ہندوستان کے عظیم فوجی ورثے کی طاقت کا مظاہرہ ہوگا۔ ہمیں اپنی مسلح افواج پر بے حد فخر ہے جو ملک کے دفاع کے لیے پوری طرح وقف ہیں۔‘‘

आज शाम बीटिंग रिट्रीट का आयोजन होगा। यह गणतंत्र दिवस समारोहों के समापन का प्रतीक है। इसमें भारत की समृद्ध सैन्य विरासत की शक्ति दिखाई देगी। देश की रक्षा में समर्पित अपने सशस्त्र बलों पर हमें अत्यंत गर्व है।

एको बहूनामसि मन्य ईडिता विशं विशं युद्धाय सं शिशाधि।

अकृत्तरुक्त्वया… pic.twitter.com/HtoYOI5VfK

— Narendra Modi (@narendramodi) January 29, 2026

بیٹنگ ریٹریٹ تقریب کی روایت فوجی تاریخ سے جڑی ہوئی ہے، جس میں ہندوستانی فوج، بحریہ اور فضائیہ کے مشترکہ بینڈز حب الوطنی اور کلاسیکی دھنیں پیش کرتے ہیں، جو فضا کو پُروقار اور جذباتی بنا دیتی ہیں۔

بھارت ایکسپریس اردو۔