وزیر اعظم نریندر مودی۔
نئی دہلی: وزیر اعظم دفتر (پی ایم او) کی جانب سے جمعہ کے روز سوشل میڈیا پلیٹ فارم ایکس پر مرکزی وزیر اشونی ویشنو کی ایک پوسٹ کو ری-پوسٹ کرتے ہوئے کہا گیا کہ شمال مشرق اب ترقی کی منتظر سرحدی خطہ نہیں رہا، بلکہ بھارت کی ترقیاتی کہانی کا مرکز بن گیا ہے۔ ہفتہ کے روز وزیر اعظم مودی ملک کی مشرقی ریاست میزورم میں بیرابی۔سیرانگ ریلوے لائن کا افتتاح کریں گے۔ یہ موقع ریاست کے لیے ایک تاریخی سنگ میل ثابت ہوگا۔
وزیر اعظم مودی نے سوشل میڈیا پلیٹ فارم ایکس پر ایک پوسٹ میں لکھا، ’’بیرابی۔سیرانگ ریلوے لائن کا افتتاح ایک تاریخی سنگ میل ہے، جو میزورم کو نیشنل ریلوے نیٹ ورک سے جوڑتا ہے اور تجارت، رابطہ اور مواقع کے نئے دروازے کھولتا ہے۔‘‘
اس پوسٹ کے نیچے پی ایم او کی جانب سے مرکزی وزیر اشونی ویشنو کی پوسٹ شیئر کی گئی ہے، جس میں وزیر ریلوے ویشنو لکھتے ہیں کہ آزادی کے بعد پہلی بار شمال مشرقی خطہ کو بھارت کی ترقیاتی کہانی کے مرکز میں دیکھا جا رہا ہے۔
انہوں نے بتایا کہ کل وزیر اعظم مودی کے ذریعے بیرابی۔سیرانگ ریلوے لائن کا افتتاح میزورم کے لیے ایک تاریخی کامیابی ہوگی۔ 8,000 کروڑ روپے سے زیادہ کی لاگت سے تیار یہ 51 کلو میٹر طویل منصوبہ پہلی بار آئیزول کو نیشنل ریلوے نیٹ ورک سے جوڑے گا۔ اس کے ساتھ ہی وزیر اعظم سیرانگ سے دہلی (راجدھانی ایکسپریس)، کولکتہ (میزورم ایکسپریس) اور گوہاٹی (آئیزول انٹر سٹی) کے لیے تین نئی ٹرین خدمات کو بھی ہری جھنڈی دکھائیں گے۔
مرکزی وزیر ویشنو نے اپنے اس آرٹیکل میں لکھا کہ وزیر اعظم مودی کی ایکٹ ایسٹ پالیسی کے آغاز کے ساتھ بھارت کی مشرقی ریاستوں کی شناخت اب ایک پیش رو خطہ کے طور پر ہونے لگی ہے۔ لوگ سرکاری اسکیموں کا فائدہ پا رہے ہیں۔ پہلی بار شمال مشرقی خطہ کو بھارت کی ترقیاتی کہانی کے مرکز میں دیکھا جا رہا ہے۔
مرکزی وزیر کے مطابق، ’’ریلوے کے لیے بجٹ مختص 2009 سے 2014 کی مدت کے مقابلے پانچ گنا بڑھ گیا ہے۔ صرف اس مالی سال میں 10,440 کروڑ روپے مختص کیے گئے ہیں۔ 2014 سے 2025 تک کل بجٹی مختص 62,477 کروڑ روپے ہے۔‘‘
مرکزی وزیر ویشنو نے آگے کہا، ’’آج 77,000 کروڑ روپے کے ریلوے منصوبوں پر کام جاری ہے۔ شمال مشرق میں پہلے کبھی اس قدر ریکارڈ سطح کی سرمایہ کاری نہیں ہوئی۔‘‘
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
