عالمی امن اور خیر سگالی کو فروغ دینے کے ایک تاریخی اقدام میں امریکہ کی باوقار اسٹینفورڈ یونیورسٹی اور ہندوستان کے ’ورلڈ پیس سنٹر‘ کے درمیان ایک اہم معاہدے پر دستخط کیے گئے ہیں۔ امریکہ کی اسٹینفورڈ یونیورسٹی کے پروفیسر انوراگ نے کہا کہ اسٹینفورڈ کے طلباء ورلڈ پیس سنٹر میں امن کی تعلیم کے لیے ہندوستان آئیں گے۔ یہ اعلان آج گروگرام کے ورلڈ پیس سینٹر میں منعقدہ بین الاقوامی سیمینار ’’امن کی تعلیم کے ذریعے عالمی امن اور خیر سگالی‘‘ میں کیا گیا۔
امن کی تعلیم نوجوانوں کو بااختیار بنانے کا ذریعہ
اسٹینفورڈ یونیورسٹی کے پروفیسر انوراگ نے سیمینار میں کلیدی مقرر کے طور پر شرکت کی اور اعلان کیا کہ اسٹینفورڈ کے طلباء امن کی تعلیم حاصل کرنے کے لیے ہندوستان میں ورلڈ پیس سینٹر آئیں گے۔ پروفیسر انوراگ نے اپنے خطاب میں کہا کہ آج کی دنیا میں تنازعات اور بدامنی بڑھ رہی ہے، ایسے میں امن کی تعلیم نوجوانوں کو بااختیار بنانے کا ایک موثر ذریعہ ہے۔ انھوں نے زور دیا کہ اسٹینفورڈ کے طلباء ہندوستان کی قدیم امن روایات سے سیکھیں گے اور عالمی سطح پر امن کے پیغام کو پھیلائیں گے۔ یہ معاہدہ دونوں اداروں کے درمیان علم کے تبادلے، مشترکہ پروگراموں اور تحقیق کے امکانات کو کھولے گا۔
अमेरिका की स्टैनफोर्ड यूनिवर्सिटी के प्रोफेसर अनुराग ने कहा कि स्टैनफोर्ड के विद्यार्थी विश्व शांति केंद्र में शांति शिक्षा लेने के लिए भारत आयेंगे
स्टैनफोर्ड यूनिवर्सिटी और विश्व शांति केंद्र के बीच अनुबंध विश्व शांति के लिए मील का पत्थर साबित होगा- जैनाचार्य@ANI @PTI_News… pic.twitter.com/PwV1NGKKy8
— Acharya Lokesh Muni (@Munilokesh) August 31, 2025
امن اور خیر سگالی پوری دنیا میں پھیلے گی
دریں اثنا ورلڈ پیس سینٹر کے بانی جین آچاریہ لوکیش مُنی نے اس معاہدے کو عالمی امن کے لیے سنگ میل قرار دیا۔ انھوں نے کہا کہ ’’اسٹینفورڈ یونیورسٹی اور وشوا شانتی کیندر کے درمیان یہ معاہدہ نہ صرف تعلیم کے میدان میں انقلاب لائے گا، بلکہ پوری دنیا میں امن اور خیر سگالی پھیلائے گا۔ ہندوستان کی روحانی میراث اب عالمی سطح پر چمکے گی۔‘‘ واضح رہے کہ آچاریہ لوکیش مُنی کو حکومت ہند کی طرف سے قومی فرقہ وارانہ ہم آہنگی ایوارڈ، امریکی صدارتی ایوارڈ اور اقوام متحدہ، امریکہ، برطانیہ اور کینیڈا کی پارلیمانوں سے نوازا جا چکاہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
