اوڈیشہ میں 61 ہزار بار آسمانی بجلی گری ہے۔
اوڈیشہ میں آسمانی قہرلوگوں پر ٹوٹ پڑا ہے۔ یہاں ہفتہ کی شام دو گھنٹوں کے اندرتقریباً 61 ہزار بارآسمانی بجلی گری ہے۔ اس حادثے میں 12 افراد کی موت ہوچکی ہے اور 14 شخص زخمی ہوئے ہیں۔ آئی ایم ڈی کے مطابق، راجدھانی بھونیشور میں سب سے زیادہ بجلی گری ہے۔ آئی ایم ڈی نے ریاست میں 7 ستمبر تک موسم خراب رہنے کا الرٹ جاری کیا ہے۔
محکمہ موسمیات نے اوڈیشہ میں یلو الرٹ جاری کیا ہے۔ محکمہ موسمیات کے مطابق، ایک ہفتے کے آخرتک ریاست کے بیشتراضلاع میں بھاری بارش ہونے کی امید ہے۔ ریاست کی راجدھانی بھونیشورمیں دوپہرکے بعد سے ہی بھاری بارش ہوتی رہی۔ اس دوران بھونیشورکے اوراس کے آس پاس کے علاقوں میں آسمانی بجلی گری۔ اوڈیشہ ڈیزاسٹر مینجمنٹ کے مطابق، شام 5.30 بجے تک ریاست میں 61 ہزارسے زیادہ آسمانی بجلی گرنے کے واقعات پیش آئے۔
اسپیشل کمشنر نے بتایا، آسمانی بجلی گرنے کے حادثے میں مرنے والے لوگوں کے اہل خانہ کو 4-4 لاکھ روپئے کا معاوضہ دیا جائے گا۔ ماہرین موسمیات کے مطابق، جب مانسون معمول کے مطابق لوٹتا ہے تو سب سے زیادہ آسمانی بجلی گرنے کے حادثات پیش آتے ہیں۔ ایک رپورٹ کے مطابق، آسمانی بجلی گرنے کی وجہ سے مرنے والوں میں کھردا ضلع سے 4، بولانگیر سے 2، بودھ، انگل، گجپتی، پوری اور ڈھینکنال سے ایک ایک شخص کی جان گئی ہے۔ اس کے علاوہ ریاست میں 8 مویشیوں کی بھی جانیں گئی ہیں۔
بھارت ایکسپریس۔
