نیوز مین آف انڈیا کے نام سے مشہور ہوچکے شفیق الحسن نے اپنی بے لوث خدمات کے 8 سال مکمل کرلئے ہیں۔ سرکردہ اور معزز سیاسی، سماجی، فلمی اورعلمی شخصیات نے ان کی خدمات کا اعتراف کرتے ہوئے مبارکباد پیش کی ہے اورجنون کو سلام پیش کیا ہے۔ دراصل شفیق الحسن نے منفرد صحافتی خدمات انجام دیتے ہوئے مختلف اخبارات (اردو، انگریزی اورہندی) کی معلوماتی اوراہم کلیپنگ کے ذریعہ لوگوں کوخبروں سے باخبرکرتے رہے ہیں۔ انہوں نے بغیرناغہ کئے ہوئے 8 سالوں تک یہ خدمات انجام دی ہیں، جس کے لئے نہ توان کوکسی طرح کا معاوضہ ملا اورنہ ہی کسی کا کوئی تعاون رہا، انہوں نے اپنے طاقت، ہمت، جنون اور حوصلہ کی بدولت یہ تاریخی کارنامہ انجام دیا۔ بھارت ایکسپریس کے لئے ڈاکٹر نثاراحمد خان نے ایکسکلوزیواورخصوصی بات چیت کی۔ آئیے آپ کی خدمت میں پیش کرتے ہیں۔
منفرد صحافتی خدمات انجام دینے والے شفیق الحسن سوشل میڈیا کے ذریعہ ہرروزصبح 8 بجے اہم خبروں سے باخبر کراتے ہیں۔ یہ خبریں عوام وخواص تک پہنچاتے ہیں۔ یہ تمام خبریں ملک وملت اورسماج کی خبروں سے وابستہ ہوتی ہیں۔ اس کے علاوہ دن کے اوقات اور شام کے اوقات میں بھی ڈیجیٹل میڈیا کی مختلف خبریں بھی عوام تک پہنچانے کا کارنامہ انجام دیتے ہیں۔ اب سوال یہ ہے کہ شفیق الحسن نے اپنے 8 سال مکمل کرلئے ہیں۔ اب کیا وہ اس طرح کی خدمات جاری رکھ پائیں گے یا پھرکوئی دوسرا راستہ تلاش کرنا ہوگا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
