Delhi AQI: بارش نے گرمی سے دلائی راحت، دہلی-این سی آر کی ہوا ہوئی صاف، کئی علاقوں میں ایئر کوالٹی انڈیکس 50 سے نیچے

نوئیڈا: ایک طرف دہلی-این سی آر میں بارش سے لوگوں کو گرمی سے راحت ملی ہے تو دوسری طرف ہوا کے معیار میں بھی تاریخی بہتری دیکھی جا رہی ہے۔ دہلی کے کچھ علاقے ایسے ہیں جہاں AQI 50 سے نیچے ہے، یعنی اسے ’بہترین‘ زمرے میں شمار کیا جا رہا ہے۔

بارش سے آلودگی کی سطح میں آئی کافی کمی

دوسری جانب پانی جمع ہونے اور ٹریفک کا مسئلہ میونسپل کارپوریشنز اور انتظامیہ کے لیے ایک مشکل چیلنج بنا ہوا ہے۔ گھروں سے نکلنے والے لوگ گھنٹوں ٹریفک جام میں پھنسے رہنے کی وجہ سے وقت پر اپنی منزل پر نہیں پہنچ پاتے۔ بارش سے نہ صرف لوگوں کو گرمی سے راحت ملی ہے بلکہ آلودگی کی سطح میں بھی کافی حد تک کمی آئی ہے۔

ان مقامات کی ہوا بہت صاف کیٹیگری میں آئی

ہندوستان کے محکمہ موسمیات (IMD) اور مرکزی آلودگی کنٹرول بورڈ (CPCB) کے تازہ ترین اعداد و شمار کے مطابق، 31 جولائی کو کئی مانیٹرنگ اسٹیشنوں پر ایئر کوالٹی انڈیکس (AQI) 50 سے نیچے ریکارڈ کیا گیا۔ دہلی کے بڑے علاقوں کی بات کریں تو علی پور (28)، میجر دھیان چند نیشنل اسٹیڈیم (38)، بوانا (36)، نریلا اور نہرو نگر (دونوں 48)، اندرا پورم، غازی آباد (31)، اور نوئیڈا سیکٹر-62 اور سیکٹر-1 (34) جیسے مقامات کی ہوا بہت صاف کیٹیگری میں آ گئی ہے۔

یکم سے 3 اگست تک ہو سکتی ہے تیز بارش

یہ سطح بعض اوقات پہاڑی علاقوں کی ہوا کی سطح سے بہتر سمجھی جاتی ہے۔ محکمہ موسمیات کے مطابق 31 جولائی سے 5 اگست تک دہلی میں ابر آلود رہنے اور ہلکی سے درمیانی بارش ہونے کا امکان ہے۔ یکم سے 3 اگست تک گرج چمک کے ساتھ تیز بارش کا بھی امکان ہے۔ آئندہ چند روز تک زیادہ سے زیادہ درجہ حرارت 34 سے 35 ڈگری سیلسیس اور کم سے کم درجہ حرارت 24 سے 26 ڈگری سینٹی سیلسیس کے درمیان رہے گا ، جبکہ ہوا میں ہیومیڈیٹی95 فیصد تک پہنچ سکتی ہے۔

ٹریفک کے سبب لوگوں کو ہو رہی ہے پریشانی

دہلی-این سی آر کے کئی علاقوں میں پانی بھر جانے کی وجہ سے ٹریفک بری طرح متاثر ہوئی ہے۔ سڑکوں پر طویل جام ہے اور ٹریفک میں خلل پڑا ہے جس کی وجہ سے دفتر جانے والوں کو پریشانی کا سامنا کرنا پڑ رہا ہے۔

بھارت ایکسپریس۔