نئی دہلی: وندے بھارت ایکسپریس میں مسافروں کو فراہم کی جانے والی دہی میں کیڑا ملنے کی شکایت کے بعد ریلوے انتظامیہ نے سخت کارروائی کرتے ہوئے انڈین ریلوے کیٹرنگ اینڈ ٹورازم کارپوریشن آئی آر سی ٹی سی پر 10 لاکھ روپے اور کھانا فراہم کرنے والی نجی کیٹرنگ کمپنی پر 50 لاکھ روپے کا جرمانہ عائد کر دیا ہے۔ وزارت ریلوے نے اس واقعے کو سنگین قرار دیتے ہوئے فوری طور پر تحقیقات کا حکم دیا اور ذمہ دار کمپنی کا معاہدہ منسوخ کرنے کا اعلان بھی کیا۔
یہ واقعہ پٹنہ سے ٹاٹا نگر جانے والی وندے بھارت ایکسپریس میں پیش آیا، جہاں ایک مسافر نے رات کے کھانے کے دوران دی گئی دہی میں کیڑے ہونے کا دعویٰ کیا۔ مسافر نے اس واقعے کی ویڈیو بنا کر سوشل میڈیا پر شیئر کی، جس میں واضح طور پر دہی کے ڈبے میں کیڑے نظر آ رہے تھے۔ ویڈیو میں مسافر نے یہ بھی کہا کہ صرف اس کی پلیٹ ہی نہیں بلکہ دیگر مسافروں کو فراہم کی گئی دہی میں بھی اسی طرح کی شکایات سامنے آئیں۔
The complaint regarding food quality raised by a passenger in train number 21896 (Patna – Tatanagar Vande Bharat Express) on 15 March 2026 has been taken seriously. Action taken — IRCTC has been penalised ₹10 lakh, the service provider has been penalised with ₹50 lakh, and…
— Ministry of Railways (@RailMinIndia) March 25, 2026
سوشل میڈیا پر ویڈیو وائرل ہونے کے بعد ریلوے حکام حرکت میں آئے اور فوری طور پر معاملے کی جانچ شروع کی گئی۔ ابتدائی تحقیقات میں کھانے کے معیار میں سنگین کوتاہی پائی گئی، جس کے بعد وزارت ریلوے نے سخت قدم اٹھاتے ہوئے متعلقہ کیٹرنگ کمپنی پر 50 لاکھ روپے کا جرمانہ عائد کیا اور اس کا کنٹریکٹ منسوخ کرنے کا حکم جاری کیا۔ ساتھ ہی آئی آر سی ٹی سی کو بھی نگرانی میں ناکامی پر 10 لاکھ روپے کا جرمانہ ادا کرنے کی ہدایت دی گئی۔
Breaking –
पटना से टाटानगर जाने वाली वंदेभारत एक्सप्रेस में जो अमूल दही परोसी गई, उसमें कीड़े तैर रहे थे।
यात्री रितेश कुमार की कंप्लेंट पर रेल मंत्रालय ने ICRTC पर 10 लाख और सर्विस प्रोवाइडर पर 50 लाख रुपए जुर्माना लगाया है। pic.twitter.com/R1iQDtqmke
— Sachin Gupta (@Sachingupta) March 25, 2026
وزارت ریلوے کی جانب سے جاری بیان میں کہا گیا کہ 15 مارچ 2026 کو ٹرین نمبر 21896، پٹنہ ٹاٹا نگر وندے بھارت ایکسپریس میں کھانے کے معیار سے متعلق موصول شکایت کو انتہائی سنجیدگی سے لیا گیا ہے۔ بیان میں مزید کہا گیا کہ مسافروں کی حفاظت اور معیاری خدمات فراہم کرنا ریلوے کی اولین ترجیح ہے، اس لیے کسی بھی قسم کی لاپرواہی برداشت نہیں کی جائے گی۔ ریلوے کے ترجمان نے بھی کہا کہ وندے بھارت جیسی پریمیم ٹرینوں میں اعلیٰ معیار کی خدمات فراہم کرنا ضروری ہے، کیونکہ ان ٹرینوں میں سفر کرنے والے مسافر بہتر سہولیات کی توقع رکھتے ہیں۔ انہوں نے کہا کہ مستقبل میں ایسے واقعات کی روک تھام کے لیے نگرانی مزید سخت کی جائے گی اور کھانے کے معیار پر خصوصی توجہ دی جائے گی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
