(تصویر: پی ٹی آئی)
ممبئی میں مسلسل موسلا دھار بارش کے درمیان منگل کی شام شہر کے میسور کالونی اسٹیشن کے قریب مونوریل ٹرین بجلی کی سپلائی میں خرابی کی وجہ سے خراب ہو کر بیچ راستے میں پھنس گئی، جس کے بعد برہن ممبئی میونسپل کارپوریشن (BMC)، فائر ڈیپارٹمنٹ اور پولیس کی ٹیموں نے فوری طور پر مسافروں کی بچاؤ کی کارروائی شروع کر دی۔
BMC کے ایڈیشنل کمشنر امت سینی نے بتایا کہ فائر بریگیڈ اور پولیس کی ٹیمیں ریسکیو آپریشن میں مصروف ہیں اور مسافروں کو محفوظ طریقے سے نکالنے کی کوششیں جاری ہیں۔ مسافروں نے حادثے کے دوران BMC کی ہیلپ لائن پر رابطہ کیا، جس کے فوراً بعد ممبئی فائر بریگیڈ کے اہلکار تین سنورکل گاڑیوں کی مدد سے موقع پر پہنچے اور ریسکیو کا آغاز کیا۔ سرکاری ذرائع کے مطابق یہ مونوریل ٹرین شام 6:15 بجے چیمبور اور بھکتی پارک اسٹیشنز کے درمیان خراب ہوئی تھی۔ تمام مسافروں کو جلد از جلد محفوظ طور پر نکالنے کی کوششیں جاری ہیں۔
ممبئی میٹرو آپریشن کارپوریشن لمیٹڈ (MMMOCL) نے سوشل میڈیا پر ایک پوسٹ میں بتایا کہ وڈالا اور چیمبور کے درمیان خدمات ایک لائن پر بحال ہیں اور جلد ہی معمول کی خدمات شروع کر دی جائیں گی۔ پوسٹ میں کہا گیا ہے کہ ’’مونوریل ٹرین کو میسور کالونی اسٹیشن کے قریب معمولی بجلی کی سپلائی کا مسئلہ پیش آیا۔ ہماری آپریشن اور مینٹیننس ٹیمیں موقع پر ہیں اور مسئلہ جلد حل کرنے کے لیے کام کر رہی ہیں۔ فی الحال وڈالا اور چیمبور کے درمیان خدمات ایک لائن پر چل رہی ہیں۔ ہم مسافروں کا شکریہ ادا کرتے ہیں اور یقین دلاتے ہیں کہ آپ کی سلامتی ہماری اولین ترجیح ہے۔ جلد معمول کی خدمات بحال کی جائیں گی۔‘‘
Service update
One Monorail train near Mysore Colony station has experienced a minor power supply issue. Our operations and maintenance teams are already on-site and working to resolve it quickly.
For now, services between Wadala and Chembur are running smoothly on a single…
— Maha Mumbai Metro Operation Corporation Ltd (@MMMOCL_Official) August 19, 2025
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
