مغربی بنگال، آسام، تمل ناڈو، کیرالہ اور پڈوچیری کے اسمبلی انتخابات کے نتائج آج 4 مئی 2026 کو سامنے آئیں گے۔ تاہم، انتخابی نتائج سے عین پہلے وزیر اعظم نریندر مودی نے اپنے سوشل میڈیا پلیٹ فارم ایکس (سابقہ ٹوئٹر) پر ایک حوصلہ افزا پیغام شیئر کیا ہے، جس سے سیاسی ماحول میں نئی بحث شروع ہو گئی ہے۔ اس بار انہوں نے کسی پارٹی یا لیڈر پر بات کرنے کے بجائے چیلنجز پر قابو پانے کا پیغام دیا ہے۔
وزیر اعظم نریندر مودی کا پیغام کیا ہے؟
وزیر اعظم مودی نے آج صبح 7 بج کر 32 منٹ پر ایک ویڈیو شیئر کی، جس میں سنسکرت کا ایک شلوک درج تھا، ساتھ ہی اس کا ہندی اور انگریزی ترجمہ بھی دیا گیا۔ ویڈیو میں لکھا تھا:’’کو ہی بھارت: مرتھانام کِم دورم ویاوسائنام۔
کو ودیش: سوِدِیَانام کَہ پرہ پریہ وادینام॥‘‘
اس شلوک کا مطلب ہے کہ باصلاحیت شخص کے لیے کوئی کام مشکل نہیں ہوتا، محنتی لوگوں کے لیے کوئی منزل دور نہیں ہوتی، علم رکھنے والوں کے لیے کوئی جگہ اجنبی نہیں ہوتی اور خوش اخلاق انسان کے لیے کوئی بھی غیر نہیں ہوتا۔
شلوک کا اردو ترجمہ
شلوک کا اردو ترجمہ اس طرح ہے: ’’ماہر افراد کے لیے کوئی کام مشکل نہیں ہوتا اور محنتی لوگوں کے لیے کوئی ہدف دور نہیں ہوتا۔ تعلیم یافتہ افراد کے لیے اپنے اور پردیس میں کوئی فرق نہیں ہوتا، اور جو لوگ نرمی سے بات کرتے ہیں، ان کے لیے کوئی بھی اجنبی نہیں ہوتا۔‘‘
कौशल, परिश्रम और करुणा हमारे जीवन की अद्भुत शक्तियां हैं। इनके माध्यम से हम न केवल हर चुनौती को पार कर सकते हैं, बल्कि ये हमारे लक्ष्यों की प्राप्ति में भी मददगार हैं।
को हि भारः समर्थानां किं दूरं व्यवसायिनाम्।
को विदेशः सुविद्यानां कः परः प्रियवादिनाम्॥ pic.twitter.com/mJUQT5Yg3l
— Narendra Modi (@narendramodi) May 4, 2026
وزیر اعظم نریندر مودی نے پوسٹ کے کیپشن میں کیا لکھا؟
وزیر اعظم نریندر مودی نے پوسٹ کے کیپشن میں لکھا کہ، ’’مہارت، ہمدردی اور محنت انسان کی زندگی کی غیر معمولی طاقتیں ہیں، جن کے ذریعے ہر چیلنج کو عبور کیا جا سکتا ہے۔ ساتھ ہی یہ مقاصد کے حصول میں بھی مددگار ثابت ہوتی ہیں۔‘‘
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
