وزیر اعظم نریندر مودی۔
بھارت کی سیاسی تاریخ میں کچھ ایسی شخصیات گزری ہیں جنہوں نے نہ صرف اقتدار کی بلندیاں حاصل کیں بلکہ دبے کچلے طبقوں کی آواز بن کر انصاف کی نئی تعریف بھی رقم کی۔ ایسے ہی ایک بڑے عوامی لیڈر ملک کے سابق نائب وزیر اعظم بابو جگجیون رام تھے، جنہیں دنیا محبت سے ’بابوجی‘ کے نام سے یاد کرتی ہے۔ آج ان کی جینتی کے موقع پر پورا ملک انہیں یاد کر رہا ہے۔ اس خاص موقع پر وزیر اعظم نریندر مودی نے بابوجی کی جدوجہد اور قوم کی تعمیر میں ان کے کردار کو یاد کرتے ہوئے خراجِ عقیدت پیش کیا۔
ہمیشہ یاد رہیں گے: وزیر اعظم مودی
وزیر اعظم نریندر مودی نے سوشل میڈیا پلیٹ فارم ’ایکس‘ (X) پر بابوجی کو خراج عقیدت پیش کرتے ہوئے لکھا،’’سابق نائب وزیر اعظم بابو جگجیون رام جی کو ان کی جینتی پر نمن۔‘‘وزیر اعظم نے مزید لکھا کہ انہوں نے مساوات اور سماجی انصاف کے لیے اپنی پوری زندگی وقف کر دی۔ ملک کے لیے ان کا قیمتی تعاون ہمیشہ یاد رکھا جائے گا۔
पूर्व उप प्रधानमंत्री बाबू जगजीवन राम जी को उनकी जयंती पर शत-शत नमन। उन्होंने समानता और सामाजिक न्याय के लिए अपना जीवन समर्पित कर दिया। देश के लिए उनका अमूल्य योगदान सदैव स्मरणीय रहेगा।
— Narendra Modi (@narendramodi) April 5, 2026
سماجی انصاف کے ‘مسیحا’ اور قابل منتظم
بابو جگجیون رام کی زندگی جدوجہد اور کامیابی کی ایسی داستان ہے جو آج کے نوجوانوں کے لیے ایک بڑی مثال ہے۔ بہار کے ایک چھوٹے سے گاؤں سے نکل کر ملک کے نائب وزیر اعظم بننے تک کا سفر انہوں نے اپنی صلاحیت اور اصولوں کی بنیاد پر طے کیا۔وزیر اعظم مودی نے اپنے پیغام میں مساوات اور سماجی انصاف کا ذکر کیا، اور حقیقت یہ بھی ہے کہ بابوجی نے پوری زندگی چھوا چھوت اور امتیاز جیسی سماجی برائیوں کے خلاف جدوجہد کی۔لیکن بابوجی صرف ایک دلت لیڈر ہی نہیں تھے بلکہ آزاد بھارت کے بااثر اور کامیاب وزیروں میں شمار ہوتے تھے۔ انہوں نے دفاع، زراعت اور محنت جیسی اہم وزارتوں کی ذمہ داری سنبھالی اور ہر شعبے میں نمایاں خدمات انجام دیں۔
1971 کی فتح اور ‘سبز انقلاب’ کے معمار
جب ہم بابو جگجیون رام کو یاد کرتے ہیں تو دو بڑی تاریخی کامیابیاں ذہن میں آتی ہیں۔ پہلی 1971 کی بھارت-پاکستان جنگ، جب وہ ملک کے وزیر دفاع تھے۔ ان کی قیادت میں بھارتی فوج نے ایسی کامیابی حاصل کی جس نے دنیا کا نقشہ بدل دیا اور بنگلہ دیش کا قیام عمل میں آیا۔ دوسری بڑی کامیابی ’سبز انقلاب‘ رہی۔ جب ملک غذائی قلت سے دوچار تھا، اس وقت بطور وزیر زراعت بابوجی نے جدید کاشتکاری اور نئی ٹیکنالوجی کو فروغ دیا، جس کے نتیجے میں بھارت غذائی پیداوار کے معاملے میں خود کفیل بن سکا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
