![](https://urdu.bharatexpress.com/wp-content/uploads/2023/10/Onion-Price-Hike1.jpg)
ایک ہفتے میں دوگنی ہوئی قیمت،ٹماٹر کی طرح 150 روپے فی کلو بک سکتی ہیں پیاز
Onion Price Hike: چند ہفتوں میں پیاز کی قیمتوں میں دوگنی رفتار سے اضافہ ہوا ہے۔ دہلی این سی آر سمیت کئی مقامات پر پیاز کی قیمت 80 روپے فی کلو تک پہنچ گئی ہے۔ صرف ایک ہفتے میں پیاز کی قیمت میں 15 سے 20 روپے فی کلو اضافہ ہوا ہے۔ ایک اندازے کے مطابق آنے والے چند دنوں میں پیاز کی قیمت 100 روپے سے تجاوز کر جائے گی۔
چند ماہ قبل ٹماٹر کی قیمتیں بھی آسمان کو چھو رہی تھیں۔ ٹماٹر کی قیمت 200 روپے فی کلو تک پہنچ گئی تھی۔ اب اسی طرح پیاز کی قیمتوں میں بھی تیزی سے اضافہ ہورہا ہے جس کی وجہ سے عام لوگوں کا کچن بجٹ خراب ہوسکتا ہے۔ تاہم حکومت نے عام لوگوں کو ریلیف دینے اور پیاز کی بڑھتی ہوئی قیمت پر قابو پانے کے لیے خصوصی تیاریاں کی ہیں۔
یہاں سستی پیاز بیچ رہی ہے حکومت!
تہوار کے موسم میں مہنگائی سے عام لوگوں کو راحت دینے کے لیے حکومت دہلی این سی آر میں پیاز 25 روپے فی کلو کے حساب سے فروخت کر رہی ہے۔ یہ بفر اسٹاک والے پیاز ہیں، جو قریبی ریاستوں سے منگوائے گئے ہیں۔ حکومت دو کوآپریٹو باڈیز NCCF اور NAFED، آؤٹ لیٹس اور گاڑیوں کے ذریعے 25 روپے فی کلو کی رعایتی شرح پر بفر پیاز فروخت کر رہی ہے۔
پیاز پر ایکسپورٹ ڈیوٹی کا اعلان
حکومت نے پیاز کی قیمت کو کنٹرول کرنے کے لیے ایک اور بڑا فیصلہ کیا ہے۔ ہفتے کے روز، DJFT نے پیاز کی برآمدی ڈیوٹی کو $800 فی ٹن تک بڑھانے کا اعلان کیا۔ اس کا مطلب ہے کہ ہندوستان سے بیرونی ممالک میں پیاز کی قیمت تقریباً 67 روپے فی کلو ہوگی۔ حکومت کے اس فیصلے سے پیاز کی کم مقدار ملک سے باہر جائے گی اور پیاز کی زیادہ مقدار ملکی منڈیوں میں پہنچے گی۔ اس سے بڑھتی ہوئی قیمتوں پر قابو پایا جا سکے گا۔
یہ بھی پڑھیں- PM Modi Mann Ki Baat: پی ایم مودی آج کریں گے من کی بات، 106ویں ایپی سوڈ میں ان اہم باتوں پر اپنے خیالات کا اظہار کرسکتیں ہیں
کئی ریاستوں سے کی جارہی ہے پیاز کی درآمد
ٹماٹر کی بڑھتی ہوئی قیمتوں کے درمیان حکومت نے ایک اور خاص فیصلہ کیا ہے۔ پیاز کا بفرا سٹاک پہلے ہی بنا یا جاچکا تھا۔ کئی ریاستوں میں پیاز کا بفر اسٹاک بنایا گیا تھا۔ اب حکومت ان اسٹاک کو نکال رہی ہے اور سپلائی کے ساتھ ساتھ سستے داموں پیاز بیچ رہی ہے۔
-بھارت ایکسپریس