اڈیشہ کے سابق وزیر اعلی نوین پٹنائک۔
بھونیشور: اڈیشہ کے سابق وزیر اعلی اور بیجو جنتا دل (بی جے ڈی) کے سربراہ نوین پٹنائک کو اتوار کی شام بھونیشور کے ایس یو ایم الٹیمیٹ میڈیکیئر اسپتال میں داخل کرایا گیا۔ ڈی ہائیڈریشن اور تھکاوٹ کی وجہ سے انہیں شام 5 بج کر 15 منٹ پر اسپتال لے جایا گیا۔
اڈیشہ کے وزیر اعلی موہن چرن ماجھی نے سوشل میڈیا پلیٹ فارم ‘X’ کے ذریعے ان کی جلد صحت یابی کی خواہش کی۔ انہوں نے ایکس پوسٹ میں لکھا، ’’مجھے قائد حزب اختلاف نوین پٹنائک کی خراب صحت کے بارے میں معلوم ہوا۔ میں بھگوان جگن ناتھ سے ان کی جلد صحت یابی اور اچھی صحت کی پرارتھنا کرتا ہوں۔‘‘
نوین پٹنائک کو اچانک محسوس ہوئی بے چینی
وہیں، اسپتال انتظامیہ کا کہنا ہے کہ ان کی حالت فی الحال مستحکم ہے اور وہ جلدی سے ریکور کر رہے ہیں۔ ڈاکٹروں کی ٹیم ان کی صحت کی مسلسل نگرانی کر رہی ہے۔ بتایا گیا کہ نوین پٹنائک کو اچانک بے چینی محسوس ہوئی جس کے بعد ڈاکٹروں کی ایک ٹیم ان کی سرکاری رہائش گاہ نوین نواس پہنچی۔
اسپتال جلد جاری کرے گا تفصیلی ہیلتھ بلیٹن
ابتدائی جانچ کے بعد انہیں فوری طور پر اسپتال لے جانے کا مشورہ دیا گیا۔ بی جے ڈی کے ایک سینئر لیڈر نے کہا کہ اسپتال کی طرف سے جلد ہی ایک تفصیلی ہیلتھ بلیٹن جاری کیا جائے گا۔ پارٹی اور ان کے حامی ان کی جلد صحت یابی کی خواہش کر رہے ہیں۔
سروائیکل آرتھرائٹس میں مبتلا تھے پٹنائک
اس سے قبل، 78 سالہ پٹنائک کی جون کے مہینے میں ممبئی کے ایک اسپتال میں ریڑھ کی ہڈی کی سرجری ہوئی تھی۔ وہ سروائیکل آرتھرائٹس میں مبتلا تھے، جس کے لیے 22 جون کو ان کی سرجری ہوئی تھی۔ سرجری کے بعد انہیں 7 جولائی کو اسپتال سے فارغ کر دیا گیا اور 12 جولائی کو وہ بھونیشور واپس آ گئے تھے۔
نوین پٹنائک کے علاج کے دوران، بی جے ڈی کے ریاستی سطح کے کام کو سنبھالنے کے لیے ایک 15 رکنی کمیٹی بنائی گئی، جس کی سربراہی پارٹی کے نائب صدر دیبی پرساد مشرا کر رہے تھے۔ یہ کمیٹی پٹنائک کی غیر موجودگی میں تنظیم کے تمام اہم کاموں کو دیکھ رہی تھی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
