اتر پردیش کے دارلحکومت لکھنؤ میں واقع پی جی آئی میں پیر کو او ٹی میں آگ لگنے سے ہلچل مچ گئی ہے۔ بتایا جا رہا ہے کہ وینٹی لیٹر پھٹنے سے او ٹی میں زبردست آگ لگ گئی، جس میں دو ملازمین جھلس گئے۔ وہاں ایک مریض کی موت ہو گئی۔ فائر بریگیڈ کی چھ گاڑیاں موقع پر موجود ہیں اور آگ بجھانے کی کوششیں کی جا رہی ہیں۔ اس معاملے میں نائب وزیر اعلی برجیش پاٹھک نے تحقیقات کا حکم دیا ہے اور اس واقعہ کو افسوسناک قرار دیا ہے۔ اس کے ساتھ انہوں نے کہا کہ ہم متاثرہ خاندان کے ساتھ ہیں۔
میڈیا ذرائع کے مطابق پیر کی دوپہر پی جی آئی لکھنؤ کے آپریشن تھیٹر (او ٹی) میں اچانک آگ لگنے سے افراتفری مچ گئی۔ اطلاع ملتے ہی فائر بریگیڈ کی 3 گاڑیاں موقع پر پہنچ گئیں اور آگ پر قابو پانے کی کوششیں کی جارہی ہیں۔ او ٹی میں دو افراد کے پھنسنے کی بھی خبر ہے جبکہ دو ملازمین کے جھلسنے کی خبر ہے اور ایک کی موت کی خبر بھی سامنے آرہی ہے۔ اس واقعے کی ایک ویڈیو سوشل میڈیا پر وائرل ہو رہی ہے، جس میں پی جی آئی کے باہر دھواں اٹھتا دکھائی دے رہا ہے اور ہسپتال کے باہر مریضوں کے ساتھ ساتھ اٹینڈنٹ بھی نظر آ رہے ہیں۔ آگ کی وجہ سے لوگوں کے چہروں پر خوف و ہراس صاف نظر آرہا ہے۔
تحقیقات کے احکامات
اس معاملے میں نائب وزیر اعلی ایم برجیش پاٹھک نے اس واقعے میں ایک مریض کی موت کی تصدیق کی ہے اور کہا ہے کہ یہ واقعہ انتہائی افسوسناک ہے۔ اس واقعہ کی اعلیٰ سطحی تحقیقات کا حکم دے دیا گیا ہے۔ اس کے ساتھ ہی انہوں نے کہا ہے کہ پرنسپل سکریٹری کو فوری طور پر موقع پر بھیجا گیا ہے اور جو بھی تحقیقات میں قصوروار پایا جائے گا، اس کے خلاف سخت کارروائی کی جائے گی۔ آگ کس وجہ سے لگی اور کیسے لگی اس کی پوائنٹ وار تحقیقات کا حکم دیا گیا ہے۔ ہم متاثرہ خاندان کے ساتھ ہیں اور ہر حال میں انصاف دیا جائے گا اور قصورواروں کے خلاف سخت کارروائی کی جائے گی۔
-بھارت ایکسپریس
