لکھنؤ میں خطرناک حادثہ پیش آیا ہے۔
لکھنؤ کے حضرت گنج علاقہ میں خطرناک حادثہ پیش آیا ہے۔ اطلاعات کے مطابق حضرت گنج کے وزیر حسن روڈ واقع الایا اپارٹمنٹ بدھ کی شام کو منہدم ہوگئی، جس میں 3 لاشیں برآمد ہوئی ہیں اور تقریباً 80-90 افراد کے دبے ہونے کا خدشہ ظاہر کیا جا رہا ہے۔ موقع پر پولیس اہلکار اور فائربریگیڈ کی ٹیمیں پہنچ گئی ہیں۔ راحت اور بچاؤ کام میں مصروف ہیں۔ اس میں کئی لوگوں کے دبے ہونے کا خدشہ ظاہر کیا جا رہا ہے۔
Uttar Pradesh | Several feared trapped as a residential building collapses on Wazir Hasanganj Road in Lucknow. Police present at the spot. pic.twitter.com/vwSOhH5Xic
— ANI UP/Uttarakhand (@ANINewsUP) January 24, 2023
وزیراعلیٰ یوگی آدتیہ ناتھ نے اس حادثے کا فوراً نوٹس لیتے ہوئے موقع پر ایس ڈی آرایف اور این ڈی آرایف کی ٹیموں کو روانہ کرنے کا حکم دیا۔ فی الحال جائے حادثہ پر بچاؤ مہم چل رہی ہے۔ وہیں ریاست کے نائب وزیر اعلیٰ برجیش پاٹھک بھی حالات کا جائزہ لینے کے لئے موقع پر پہنچ گئے ہیں۔ یہاں انہوں نے میڈیا سے بات چیت میں کہا، ‘بلڈنگ اچانک گرگئی۔ تین لاشیں ملی ہیں اور کچھ زخمیوں کو اسپتال بھیجا گیا ہے۔ این ڈی آر ایف، فائربریگیڈ موقع پر موجود ہے اور بچاؤ مہم چل رہی ہے۔
منڈل کمشنر روشن جیکب جائے حادثہ پر موجود ہیں اوراوپرکے فلور پر موجود لوگوں کو نکالا جا رہا ہے۔ خدشہ ظاہر کیا جا رہا ہے کہ ملبے میں تقریباً 80-90 لوگ دبے ہیں۔ یہ عمارت خستہ حال بھی بتائی جا رہی تھی۔
-بھارت ایکسپریس
