جیو صارفین نے تاریخ رقم کی، ایک ماہ میں 10 بلین جی بی ڈیٹا خرچ ڈالا
Jio Users made history: جیوصارفین نے ایک مہینے میں 10ایگزابائٹس یعنی 10 بلین جی بی ڈیٹا استعمال کر ڈالا ہے ۔ یہ اعداد و شمار کتنا بڑا ہے اس کا اندازہ اس بات سے لگایا جا سکتا ہے کہ 2016 میں جب ریلائنس جیو نے ٹیلی کام سیکٹر میں قدم رکھا تو پورے ملک کے سبھی دستیاب نیٹ ورکس پر ڈیٹا کھپت صرف 4.6 ایگزابائٹس تھی ایک مہینے کی نہیں پورے سال کی۔ ہندوستان میں پہلی بار کسی بھی ٹیلی کام کمپنی کے نیٹ ورک پر ایک ماہ میں 10 ایگزابائٹ ڈیٹا استعمال کیا گیا ہے۔ جیو نیٹ ورک پر ڈیٹا کی کھپت کا اعداد و شمار مارچ کی سہ ماہی میں 30.3 ایگزابائٹس تھا۔ ریلائنس جیو نے اپنے سہ ماہی نتائج میں اس کا انکشاف کیا ہے۔
جیو ٹرو5 جی رول آؤٹ نے ڈیٹا کی کھپت کو بڑھانے میں کلیدی کردار ادا کیا۔ جیو صارفین اب ہر ماہ اوسطاً 23.1 جی بی ڈیٹا خرچ کر رہے ہیں۔ جو دو سال پہلے تک صرف 13.3 جی بی ماہانہ تھا۔ یعنی، ہر جیو صارف 2 سال پہلے کے مقابلے میں ہر ماہ تقریباً 10 جی بی زیادہ ڈیٹا استعمال کر رہا ہے۔ جیو نیٹ ورک پر ڈیٹا کی کھپت کی یہ اوسط ٹیلی کام انڈسٹری کی اوسط سے کہیں زیادہ ہے۔
سہ ماہی نتائج کے مطابق، مارچ 2023 تک، جیو نے 60 ہزار سائٹس پر 3.5 لاکھ سے زیادہ 5G سیل انسٹال کردیئے تھے۔ ملک بھر میں 2,300 سے زیادہ شہر اور قصبے 5G کوریج کے تحت آ چکے ہیں اور جیو صارفین کی ایک بڑی تعداد 5G خدمات استعمال کر رہی ہے۔ کمپنی کا دعویٰ ہے کہ جیو بہت تیزی سے 5G متعارف کروا رہا ہے۔ دنیا بھر میں 5G رول آؤٹ کی ایسی کوئی مثال نہیں ہے۔ کمپنی 2023 کے آخر تک ملک بھر میں 5G کوریج فراہم کرنا چاہتی ہے۔
5G رول آؤٹ کے ساتھ، کمپنی ایئر فائبر کے آغاز کی بھی تیاری کر رہی ہے۔ جیو نے بتایا کہ اس کی لانچ اگلے چند مہینوں میں ممکن ہے۔ ریلائنس جیو کا مقصد 10 کروڑ گھروں کو فائبر اور ایئر فائبر سے جوڑنا ہے۔
نتائج میں کچھ اور اہم چیزیں بھی سامنے آئیں، جیسے جیو کی فی صارف اوسط آمدنی (ARPU) بڑھ کر 178.8 روپے ہو گئی ہے۔ ہر روز صارفین کمپنی کے نیٹ ورک پر 1,459 کروڑ منٹ کی بات چیت (وائس کالنگ) کر رہے ہیں۔ جیو نیٹ ورک سے جڑے ہر فون پر ہر ماہ تقریباً 1,003 منٹ کی کالنگ کی جا رہی ہے۔
-بھارت ایکسپریس
