کریڈٹ ریٹنگ ایجنسی ICRA کی ایک رپورٹ کے مطابق برطانیہ کے ساتھ ملبوسات اور گھریلو ٹیکسٹائل میں ہندوستان کی تجارت نمایاں ترقی کے لیے تیار ہے، جس کا حجم اگلے پانچ سے چھ سالوں میں دوگنا ہونے کی توقع ہے۔ خبر رساں ایجنسی اے این آئی کے حوالے سے ایک رپورٹ میں کہا گیا ہے کہ ’’تجارت اگلے 5-6 سالوں میں موجودہ سطح سے دوگنا ہونے کی امید ہے، جو کہ ہندوستان اور برطانیہ کے درمیان ایف ٹی اے کے ذریعے چلائی جائے گی۔‘‘
یہ ایف ٹی اے، جسے تین سال کے مذاکرات کے بعد 6 مئی کو حتمی شکل دی گئی، دوطرفہ اقتصادی تعلقات میں ایک اہم سنگ میل ہے۔ اس معاہدے کے تحت ہندوستان 90 فیصد برطانوی اشیا پر ٹیرف کم کرے گا، اور 85 فیصد اشیااگلی دہائی میں ڈیوٹی فری ہو جائیں گے۔اس کے عوض برطانیہ ٹیکسٹائل سمیت ہندوستانی 99 فیصد برآمدات پر محصولات ختم کر دے گا۔
برطانیہ کو بارہواں سب سے بڑا تجارتی شراکت دار ہے ہندوستان
فی الحال ہندوستان-برطانیہ تجارت ہندوستان کی کل تجارت کا صرف 2 فیصد ہے۔ اس کے باوجود ہندوستان برطانیہ کا 12 واں سب سے بڑا تجارتی پارٹنر ہے اور ملبوسات اور گھریلو ٹیکسٹائل کی درآمدات میں پانچویں نمبر پر ہے۔ کیلنڈر سال 2024 میں برطانیہ نے ہندوستان سے $1.4 بلین مالیت کا ٹیکسٹائل درآمد کیا، جو اس کی کل ٹیکسٹائل درآمدات کا 6.6 فیصد بنتا ہے۔
واضح رہے کہ ابھی لندن ہندوستانی ٹیکسٹائل کی درآمدات پر 8-12 فیصد ڈیوٹی عائد کرتا ہے۔ تاہم اس ایف ٹی اے کا نفاذ، جو تقریباً تمام ہندوستانی ٹیکسٹائل مصنوعات پر ڈیوٹی ختم کر دے گا، توقع ہے کہ اگلے 4-5 سالوں میں اضافی پیداواری صلاحیت میں سرمایہ کاری کو فروغ دے گا۔ 2024 میں، چین نے 25 فیصد مارکیٹ شیئر کے ساتھ برطانیہ کے ملبوسات اور گھریلو ٹیکسٹائل کی درآمدات کی قیادت کی، اس کے بعد بنگلہ دیش (22 فیصد)، ترکی (8 فیصد) اور پاکستان (6.8 فیصد)۔ ہندوستان کی نئی ڈیوٹی فری رسائی اسے بنگلہ دیش، ویتنام اور پاکستان جیسے حریفوں کے برابر کر دے گی، جو پہلے ہی برطانیہ کے ساتھ ترجیحی تجارتی شرائط سے فائدہ اٹھا رہے ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
