مالی سال 2024-25 میں بھارت کے وینچر کیپیٹل سے معاونت یافتہ اسٹارٹ اپس نے عوامی بازاروں سے ابتدائی عوامی پیشکش (IPO)، فالو آن پبلک آفرز (FPO) اور کوالیفائیڈ انسٹی ٹیوشنل پلیسمنٹ (QIP) کے ذریعے 44,000 کروڑ روپے (تقریباً 5.3 ارب ڈالر) سے زائد سرمایہ حاصل کیا، جو بھارت میں فنڈنگ کے طریقہ کار میں ایک بنیادی تبدیلی کی نشان دہی کرتا ہے۔
یہ انکشاف سرمایہ کاری بینک رین میکر گروپ کی سالانہ رپورٹ رین گیج انڈیکس FY25 میں کیا گیا ہے، جس کے مطابق اب دیر مرحلہ (late-stage) کی فنڈنگ کے لیے نجی سرمایہ کاری کے مقابلے میں عوامی بازار زیادہ مؤثر ذریعہ بن چکے ہیں۔ رپورٹ کے مطابق عوامی بازاروں سے حاصل ہونے والی رقم نجی سرمایہ کاری کے مقابلے میں دو گنا زیادہ رہی۔ اس سال پرائیویٹ ایکویٹی (PE) اور وینچر کیپیٹل (VC) فرمز جیسے Peak XV اور TPG نے بلاک اور بلک ڈیلز کے ذریعے 20,000 کروڑ روپے سے زائد کے سیکنڈری ایگزٹ بھی کیے، جو ایک ریکارڈ ہے۔
رین میکر گروپ کے منیجنگ پارٹنر کاشیپ چنچانی نے کہا کہ ’’مالی سال 2025 نے نہ صرف بھارتی اسٹارٹ اپ لسٹنگز کو آزمایا بلکہ انھیں پختہ بھی کیا۔ آج عوامی بازار بھارت کی بڑی کمپنیوں کے لیے ترجیحی میدان بن چکے ہیں۔ ہم نے IPO کی دوڑ، ویلیوایشن کی گراوٹ، اور اب بنیادوں پر مبنی دوبارہ قیمتوں کا تعین، سب کچھ دیکھ لیا ہے۔‘‘ رپورٹ میں یہ بھی بتایا گیا ہے کہ مالی سال کے آغاز میں 78,000 کروڑ روپے کی غیر ملکی سرمایہ کاروں کی تاریخی انخلا کے باوجود، سال کے آخری سہ ماہی میں وہ دوبارہ بھارتی بازاروں کی طرف لوٹے، جس کی وجہ شرح سود میں کمی کی توقعات اور بھارت کی مستحکم معیشت تھی۔
دریں اثنا اس سال کئی اہم اسٹارٹ اپس کو نمایاں انڈیکسز میں شامل کیا گیا، جیسے زومیٹو کو NIFTY50 اور SENSEX، سویگی کو NIFTY Next 50، جب کہ نائیکا، PB فِن ٹیک اور اولا الیکٹرک کو NIFTY MidCap150 میں جگہ ملی۔ کمپنی کے ایک بیان میں کہا گیا ہے کہ ’’اب جب کہ IPOs زیادہ قیمتوں یا آسان ایگزٹس کی ضمانت نہیں دے رہے، اسٹارٹ اپس کو اپنی ابتدائی زندگی میں ہی عوامی بازار کی توقعات سے ہم آہنگ ہونا ہوگا۔‘‘ اب اسٹارٹ اپس کو صرف بلند ویلیوایشنز کے پیچھے نہیں بھاگنا ہوگا بلکہ شفافیت، سرمایے کے مؤثر استعمال اور مضبوط حکمرانی کے ساتھ دیرپا ترقی کی کہانی بنانا ہوگی تاکہ وہ سرمایہ کاروں کا اعتماد جیت سکیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
