الکٹر انکس منو فکچرہنگ سکٹر
ہندوستان کا الیکٹرانکس مینوفیکچرنگ سیکٹر مالی سال 2025 (FY25) میں 15 فیصد بڑھ کر 135-140 بلین ڈالر تک پہنچنے کا امکان ہے۔ گزشتہ سال مالی سال 24 میں یہ تعداد 115 بلین ڈالر تھی۔ حالانکہ، جہاں برآمدات تیزی سے بڑھ رہی ہیں، وہیں گھریلو طلب میں سست کی وجہ سے مجموعی ترقی کو برقرار رکھنا مشکل ہو سکتا ہے۔
برآمدات میں زبردست اضافہ
اپریل سے دسمبر 2024 تک، الیکٹرانکس کی برآمدات 2.20 لاکھ کروڑ روپےتک پہنچ گئی تھیں، اور یہ اندازہ لگایا گیا ہے کہ FY25 میں برآمدات 3.25 لاکھ کروڑروپے تک پہنچ سکتی ہیں، جو FY24 میں 2.23 لاکھ کروڑ روپےسے 45فیصد زیادہ ہوں گی۔
موبائل ایکسپورٹ کا اہم کردار
موبائل کی برآمدات اس شعبے کا بڑا محرک ہیں۔ اپریل سے دسمبر 2024 تک موبائل کی برآمدات 1.25 لاکھ کروڑ روپے تک پہنچ گئی ہیں۔ اس شعبے میں 35 فیصد کی ترقی متوقع ہے، اور موبائل کی برآمدات FY25 میں 1.75 لاکھ کروڑ روپے تک پہنچ سکتی ہے، جو FY24 میں 1.29 لاکھ کروڑ روپےتھی۔
2030 تک 500 ارب ڈالر کا ہدف
وزیر اعظم نریندر مودی نے FY30 تک الیکٹرانکس مینوفیکچرنگ میں 500 ارب ڈالر کا ہدف مقرر کیا ہے۔ حالانکہ، اس کے لیے 27.7فیصد کی سالانہ شرح نمو درکار ہوگی، جب کہ مالی سال 25 میں 15 فیصد کی شرح نمو کا تخمینہ لگایا گیا ہے، جو اس ہدف کو حاصل کرنے کے لیے کافی نہیں ہے۔
بھارت ایکسپریس۔
