وزیر دفاع راجناتھ سنگھ
نئی دہلی: جموں و کشمیر کے پہلگام علاقے کی بیسرن وادی میں منگل کے روز ہوئے دہشت گردانہ حملے میں 28 لوگوں کی جان چلی گئی اور متعدد زخمی ہو گئے۔ اس حملے کو لے کر ملک بھر میں غصہ کا ماحول ہے۔ وہیں، اس معاملے پر وزیر دفاع راجناتھ سنگھ کا بھی سخت ردعمل سامنے آیا ہے۔ انہوں نے کہا کہ ایک مخصوص مذہب کو نشانہ بناتے ہوئے دہشت گردوں نے ایک بزدلانہ کارروائی کو انجام دیا، جس میں ہم نے کئی معصوم جانیں گنوا دیں۔دہشت گردانہ حملے کا منہ توڑ جواب دیا جائے گا اور جلد ہی ہندوستان کی طرف سے ایکشن لیا جائے گا۔
قومی دارالحکومت دہلی میں منعقدہ ‘ارجن سنگھ میموریل لیکچر’ پروگرام میں خطاب کرتے ہوئے راج ناتھ سنگھ نے کہا، ’’ہم نے پہلگام میں بزدلانہ کارروائی میں کئی معصوم جانیں گنوائیں، ہم بہت افسردہ ہیں۔ میں ان خاندانوں سے اظہار تعزیت کرتا ہوں جنہوں نے اپنے پیاروں کو کھو دیا۔ میں دہشت گردی کے خلاف ہندوستان کے عزم کو دہرانا چاہتا ہوں۔ دہشت گردی کے خلاف ہماری زیرو ٹالرینس کی پالیسی ہے۔ میں ہم وطنوں کو یقین دلانا چاہتا ہوں کہ حکومت ہر ضروری اقدام کرے گی۔ ہم نہ صرف اس فعل کے قصورواروں تک پہنچیں گے بلکہ پردے کے پیچھے کے لوگوں تک بھی پہنچیں گے… ملزمان کو جلد ہی سخت اور واضح جواب ملے گا، میں ملک کو یقین دلانا چاہتا ہوں۔‘‘
#WATCH | #PahalgamTerrorAttack | Delhi: Raksha Mantri Rajnath Singh says, “Yesterday, in Pahalgam, targeting a particular religion, terrorists executed a cowardly act, in which we lost many innocent lives… I want to assure the countrymen that the government will take every… pic.twitter.com/VhNHD0kO2E
— ANI (@ANI) April 23, 2025
انہوں نے مزید کہا کہ ہندوستان ایک اتنی پرانی تہذیب اور اتنا بڑا ملک ہے، جسے ایسے کسی بھی طرح کی دہشت گردانہ کارروائیوں سے ڈرایا نہیں جا سکتا۔ ایسی حرکتوں کا جواب، اس کے ذمہ دار لوگوں کو آنے والے کچھ ہی وقت میں زوردار طریقے سے ملے گا۔ ہندوستان کا ہر شہری اس بزدلانہ کارروائی کے خلاف متحد ہے۔
اس دوران وزیر دفاع نے ہندوستانی فضائیہ کی تعریف کرتے ہوئے کہا کہ جس طرح سے فضائیہ ہندوستان کی حفاظت کے لئے تیار رہتی ہے اسے دیکھ کر ہر ہندوستانی پرسکون رہتا ہے۔ ہمیں اس بات کا اطمینان ہے کہ آپ کے سائے میں ملک مکمل طور پر محفوظ ہے۔ میری ایشور سے دعا ہے کہ آپ کی بہادری اسی طرح آسمان کی بلندیوں کو چھوئے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
