بین الاقوامی مارکیٹ میں خام تیل کی قیمتوں میں کمی، جانیں آپ کے شہرمیں پٹرول و ڈیزل کی قیمتیں
Petrol Diesel Prices: عالمی منڈی میں خام تیل کی قیمتوں میں زبردست اتار چڑھاؤ جاری ہے۔ اگر ہم آج کی بات کریں تو منگل 21 جنوری 2023 کو خام تیل کی قیمتوں میں اضافہ ریکارڈ کیا جا رہا ہے۔ اس اضافے کے بعد ملک کے ایک میٹروپولیٹن شہر چنئی میں پٹرول-ڈیزل کی قیمت میں 23 پیسے اور 22 پیسے کا بڑا اضافہ درج کیا گیا ہے۔ اس اضافے کی وجہ سے آج چنئی میں پٹرول 102.86 روپے اور ڈیزل 94.46 روپے فی لیٹر فروخت ہو رہا ہے۔ اس کے علاوہ ملک کے دیگر میٹرو جیسے دہلی، ممبئی اور کولکاتہ میں پٹرول اور ڈیزل کی قیمتیں مستحکم رہیں۔ اس میں کوئی تبدیلی ریکارڈ نہیں کی گئی۔
ہر روز صبح 6 بجے پٹرول وڈیز ل کی قیمتوں میں تبدیلی ہوتی ہے، صبح 6 بجے سے ہی نئی قیمتیں طے ہوجاتی ہیں، پٹرول وڈیزل کی قیمتوں میں ایکسائز ڈیوٹی ،ڈیلرکمیشن ، ویٹ اور دیگر چیزیں شامل کرنے کے بعد اس کی قیمت اصل قیمت سے تقریبا ً دوگنی ہوجاتی ہے، یہی وجہ ہے کہ پٹرول وڈیزل کی قیمتیں اتنی زیادہ ہوجاتی ہے۔
چار میٹروز میں پٹرول ڈیزل کی قیمتیں
دہلی میں پٹرول کی قیمت 96.72 روپے اور ڈیزل کی قیمت 89.62 روپے فی لیٹر ہے۔ ممبئی میں پٹرول کی قیمت 106.31 روپے فی لیٹر اور ڈیزل کی قیمت 94.27 روپے فی لیٹر ہے۔ وہیں کولکتہ میں پٹرول 106.03 روپے فی لیٹر اور ڈیزل 92.76 روپے فی لیٹر فروخت ہو رہا ہے۔ جب کہ چنئی میں پٹرول کی قیمت 102.86 روپے فی لیٹر اور ڈیزل کی قیمت 94.46 روپے فی لیٹر ہے۔
کئی شہروں میں پٹرول اور ڈیزل کی قیمتوں میں تبدیلی
نوئیڈا میں پٹرول اور ڈیزل 11-11 پیسے سستا ہوکر 96.65 روپے اور 89.82 روپے فی لیٹر فروخت ہو رہا ہے۔
گروگرام میں پٹرول 49 پیسے، ڈیزل 48 پیسے مہنگا ہو کر 96.89 روپے اور 89.76 روپے فی لیٹر فروخت ہو رہا ہے۔
جے پور میں پٹرول 23 پیسے اور ڈیزل 21 پیسے مہنگا ہو کر 108.48 روپے اور 93.72 روپے فی لیٹر میں فروخت ہو رہا ہے۔
لکھنؤ میں پٹرول 15 پیسے اور ڈیزل 14 پیسے مہنگا ہو کر 96.57 روپے اور 89.76 روپے فی لیٹر فروخت ہو رہا ہے۔
بھارت ایکسپریس
