مہاراشٹر کے لاتور میں کانگریس کے سینئر لیڈر اور سابق مرکزی وزیر داخلہ شیو راج پا ٹل چاکورکر کا جمعہ 12 دسمبر کو صبح 6:30 بجے انتقال ہو گیا۔ وہ 91 سال کے تھے اور طویل بیماری کے باعث اپنے گھر ’’دیو ور‘‘ میں زیر علاج تھے۔ شیو راج پا ٹل نے اپنے طویل سیاسی کیریئر میں ملک کے کئی اہم آئینی اور انتظامی عہدوں پر خدمات انجام دیں۔
سات بار لوک سبھا کے رکن، لاتور کے بااثر لیڈر
شیو راج پا ٹل لاتور کے چاکور علاقے سے تعلق رکھنے والے ایک بااثر کانگریسی لیڈر تھے۔ وہ سات بار لاتور لوک سبھا سیٹ سے منتخب ہوئے۔ 2004 کے انتخابات میں ہار کے باوجود انہیں راجیہ سبھا کے ذریعے مرکزی وزیر داخلہ کا منصب دیا گیا۔ ان کے انتقال پر کانگریس سمیت تمام کارکنان اور رہنماؤں نے دکھ کا اظہار کیا اور ان کے اہلِ خانہ سے تعزیت کی۔
اندرا اور راجیو گاندھی کی کابینہ میں اہم ذمہ داریاں
شیو راج پا ٹل نے عثمانیہ یونیورسٹی سے سائنس اور ممبئی یونیورسٹی سے قانون کی ڈگری حاصل کی تھی۔ وہ پہلی بار 1980 میں لاتور سے لوک سبھا کے لیے منتخب ہوئے اور 1999 تک لگاتار سات مرتبہ جیت کر کانگریس کے بڑے رہنما کے طور پر اُبھرے۔انہوں نے اندرا گاندھی اور راجیو گاندھی کی حکومت میں اہم وزارتیں سنبھالیں۔ 1991 سے 1996 تک وہ لوک سبھا کے اسپیکر رہے اور انہوں نے قومی و بین الاقوامی پارلیمانی کانفرنسوں میں بھارت کی نمائندگی کی۔
الیکشن ہارنے کے باوجود ملی بڑی ذمہ داری
سونیا گاندھی کی قیادت والی کانگریس میں بھی شیو راج پا ٹل کو نمایاں ذمہ داریاں دی گئیں۔ 2004 میں انتخابات ہارنے کے باوجود انہیں مکمل اعتماد کے ساتھ وزیر داخلہ بنایا گیا۔قابل ذکر بات یہ ہےکہ 2008 کے ممبئی دہشت گردانہ حملوں کے بعد انہوں نے سیکورٹی میں ہوئی خامیوں کی اخلاقی ذمہ داری لیتے ہوئے استعفیٰ دے دیا تھا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
