ہندوستان کی الیکٹرانکس برآمدات پہلی بار مالی سال2024-25 میں 3 لاکھ کروڑ روپے کے ہندسے کو عبور کرنے والی ہیں۔ اگرچہ حتمی اعداد و شمار کا اعلان ہونا ابھی باقی ہے لیکن اپریل سے فروری تک کے اعداد و شمار یہ واضح کرتے ہیں کہ یہ ریکارڈ حاصل کرنا یقینی ہے، کیوں کہ اس 11 ماہ کی مدت کے دوران الیکٹرانکس کی برآمدات 2.87 لاکھ کروڑ روپے تک پہنچ گئی ہیں، جو پچھلے مالی سال کی اسی مدت کے دوران 2.11 لاکھ کروڑ روپے سے 35 فیصد زیادہ ہے۔
الیکٹرانکس کی برآمدات میں یہ اضافہ ایسے وقت میں ہوا ہے جب تجارتی سامان کی مجموعی برآمدات میں کوئی اضافہ نہیں دیکھا گیا۔ یہ اضافہ پچھلے کچھ سالوں میں وزارت الیکٹرانکس اور آئی ٹی کی طرف سے نافذ کردہ متعدد اسکیموں اور پروگرامز خاص طور پر اسمارٹ فونز کے لیے 2021 میں شروع کی جانے والی پروڈوکشن سے منسلک مراعاات ( پی ایل آئی اسکیم) کی کامیابی کی عکاسی کرتا ہے۔
اسمارٹ فونز الیکٹرانکس کی برآمدات میں اضافہ سرفہرست ہے۔ گزشتہ مالی سال 1.3 لاکھ کروڑ روپے کی اسمارٹ فون کی برآمدات رواں مالی سال کے گیارہ مہینوں میں ہی2.41-لاکھ کروڑ تک پہنچ چکی ہے۔ کمپنیوں میں، ایپل نے، جن کی آئی فون کی برآمدات مالی سال 25 کے پہلے 11 مہینوں میں 1.25 لاکھ کروڑ روپے تک پہنچ گئی، کل الیکٹرانکس کی برآمدات میں 43 فیصد اور اسمارٹ فون کی کل برآمدات میں 70 فیصد کا حصہ ڈالا۔ یہ اعداد و شمار مالی سال 25 کے آخر تک بڑھنے کی توقع ہے جب مارچ کے آخر میں حتمی اعداد و شمار سامنے آئیں گے۔
گزشتہ مالی سال کے مقابلے الیکٹرانکس برآمدات میں رواں مالی سال نمایاں اضافہ
گزشتہ مالی سال کے آخر میں برآمدات میں الیکٹرانکس کے شعبے کو انجینئرنگ کے سامان، پیٹرولیم، جواہرات اور زیورات اور نامیاتی اور غیر نامیاتی کیمیکلز کے بعد پانچویں نمبر پر رکھا گیا تھا۔ لیکن رواں مالی سال اس اضافے کے بعد اب یہ شعبہ برآمدات میں انجینئرنگ کے سامان اور پیٹرولیم کے بعد تیسرے نمبر پر ہے۔ مزید برآں پیٹرولیم برآمدات میں کمی اور الیکٹرانکس کی برآمدات میں اضافے کی وجہ سے دوسرے نمبر پر موجود پیٹرولیم مصنوعات اور الیکٹرانکس کے درمیان فرق تیزی سے کم ہو رہا ہے۔ الیکٹرانکس سیکٹر کی اس بے مثال کارکردگی سے حوصلہ پا کر حکومت ماحولیاتی نظام کو گہرا کرنے، لچک پیدا کرنے اور سپلائی چینز کو تبدیل کرنے کے مقصد کے ساتھ جزوی ترقیاتی اسکیمز پر سنجیدگی سے غور کر رہی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
