انفورسمنٹ ڈائریکٹوریٹ (ای ڈی) نے انل امبانی کی قیادت والے انل دھیرُبھائی امبانی گروپ (اے ڈی جی) کے خلاف بڑی کارروائی کرتے ہوئے 1400 کروڑ روپے مالیت کی نئی غیر منقولہ جائیدادیں ضبط کی ہیں۔ ذرائع کے مطابق اس نئے اقدام کے بعد ای ڈی کی جانب سے ضبط کی گئی جائیدادوں کی مجموعی مالیت بڑھ کر تقریباً 9000 کروڑ روپے ہو گئی ہے۔ ای ڈی کی جانب سے یہ جائیدادیں ایسے وقت ضبط کی جا رہی ہیں جب تفتیشی ایجنسی نے انل امبانی کو پوچھ گچھ کے لیے کئی بار سمن جاری کیے تھے لیکن وہ پیش نہیں ہوئے۔ ریلائنس اے ڈی اے جی کے چیئرمین انل امبانی کو 17 نومبر کو دہلی واقع ای ڈی ہیڈکوارٹر میں جے پور-رینگَس ہائی وے پروجیکٹ سے متعلق فیما تحقیقات میں دوسری بار پیش ہونا تھا، لیکن انہوں نے اسے نظرانداز کر دیا اور ورچوئل پیشی کی درخواست دی۔
17000 کروڑ کے دھوکہ دہی کیس میں 9 گھنٹے پوچھ گچھ
اس سے پہلے بھی 14 نومبر کو انل امبانی ای ڈی کے سامنے پیش نہیں ہوئے تھے۔ تاہم، ان کی جانب سے دی گئی ورچوئل پیشی کی درخواست کو ایجنسی نے مسترد کر دیا تھا۔ ای ڈی ذرائع کے مطابق سرکاری ایجنسی فیما (FEMA) کے تحت ان کا بیان درج کرنا چاہتی ہے۔ یہ جانچ ان الزامات کے بعد شروع ہوئی تھی کہ ریلائنس انفرا نے 2010 میں دیے گئے ہائی وے پروجیکٹ کے تقریباً 40 کروڑ روپے کو سورت میں موجود فرضی کمپنیوں کے ذریعے دبئی منتقل کیا تھا۔ اس سے قبل اگست میں ای ڈی ہیڈکوارٹر میں مبینہ 17000 کروڑ روپے کے قرض دھوکہ دہی معاملے میں ان سے تقریباً 9 گھنٹے تک سخت پوچھ گچھ کی گئی تھی۔
3000 کروڑ سے زائد کی 42 املاک ضبط
یہ واقعہ ایسے وقت ہوا ہے جب ای ڈی نے پیر کے روز نوی ممبئی میں واقع دھیرُبھائی امبانی نالج سٹی کی 132 ایکڑ سے زیادہ زمین، جس کی قیمت 4462.81 کروڑ روپے ہے، کو منی لانڈرنگ ایکٹ کے تحت عارضی طور پر قرق کیا تھا۔اس سے پہلے ای ڈی، ریلائنس کمیونی کیشنز لمیٹڈ (آر کام)، ریلائنس کمرشل فنانس لمیٹڈ اور ریلائنس ہوم فنانس لمیٹڈ کے بینک دھوکہ دہی معاملات میں 3083 کروڑ روپے سے زیادہ مالیت کی 42 جائیدادیں ضبط کر چکی ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
