ویلنٹائن ڈے کو ’کاؤ ہگ ڈے‘ منانے کی اپیل حکومت نے واپس لی۔
Cow Hug Day Or Valentine’s Day 14th February: حکومت نے 14 فروری یعنی ویلنٹائن ڈے کو ’کاؤ ہگ ڈے‘ (Cow Hug Day) کے طور پر منانے کی اپیل جمعہ (10 فروری) کو واپس لے لی۔ اینیمل ویلفیئر بورڈ (اے ڈبلیو بی آئی) نے اس کو لے کر حکم جاری کیا ہے۔ اس سے پہلے ماہی پروری، حیوانات اور ڈیری کی وزارت اور ڈیری محکمہ کے تحت آنے والے اینیمل ویلفیئر بورڈ نے گزشتہ پیر کو 14 فروری کو ’کاؤ ہگ ڈے‘ کے طور پر منانے کی اپیل کی تھی۔
جمعہ کے روز اے ڈبلیو بی آئی کے حکم میں کہا گیا ہے، ’مجاز اتھارٹی اورماہی پروری، جانوروں کی دیکھ بھال اورڈیری کی وزارت کی ہدایات کے مطابق، 14 فروری 2023 کو ’کاؤ ہگ ڈے‘ منانے کے لئے ہندوستان کے اینیمل ویلفیئر بورڈ آف انڈیا کی طرف سے جاری کردہ اپیل واپس لی جاتی ہے۔‘
The appeal issued by the Animal Welfare Board of India for celebration of Cow Hug Day on 14th February 2023 stands withdrawn. pic.twitter.com/5MvEbHPdBZ
— ANI (@ANI) February 10, 2023
سوشل میڈیا پر میمس اور جوکس بنے
اینیمل ویلفیئر بورڈ آف انڈیا کی طرف سے 14 فروری کو ویلنٹائن ڈے کے بجائے ’کاؤ ہگ ڈے‘ کے طور پر منانے کے بعد سوشل میڈیا پر کافی ناراضگی دیکھی گئی تھی۔ اس فیصلے کے بعد سوشل میڈیا پر سینکڑوں میمس اور جوکس بنے تھے۔ حالانکہ گائے کو گلے لگانے کے فائدے بھی ہیں۔ اینیمل ویلفیئر بورڈ نے مثال پیش کی تھی کہ گائے کو گلے لگانے سے ’جذباتی خوشحالی‘ آئے گی اور ذاتی اور اجتماعی خوشی میں اضافہ ہوگا۔
-بھارت ایکسپریس
