کونراڈ سنگما نے دوسری بار وزیراعلیٰ عہدے کا حلف لیا۔ (Image Source: ANI)
Conrad Sangma Swearing In Ceremony: کونراڈ سنگما نے میگھالیہ کے وزیراعلیٰ کے طور پر دوسری بار حلف لے لیا ہے۔ ان کی تقریب کے دوران وزیر اعظم مودی، وزیرداخلہ امت شاہ سمیت بی جے پی کے سینئر لیڈران موجود رہے۔ میگھالیہ اسمبلی الیکشن 2023 کے لئے 27 فروری کو ووٹنگ ہوئی تھی۔ 2 مارچ کو تری پورہ اور ناگا لینڈ کے ساتھ ریاست کے انتخابی نتائج آئے، جس میں کونراڈ سنگما کی نیشنل پیپلز پارٹی (این پی پی) کو 26 سیٹوں پر جیت ملی تھی۔
دو نائب وزرائے اعلیٰ نے لیا حلف
راجدھانی شیلانگ میں ہوئے کونراڈ سنگما کی حلف برداری تقریب میں دو نائب وزرائے اعلیٰ نے بھی حلف لیا۔ پریسٹن ٹائنسانگ اور استریاؤبھالنگ نائب وزیراعلیٰ بنائے گئے ہیں۔ ابو طاہر مونڈال، کرمین شائلا، مارکواس این مارک اور رکم اے سنگما نے میگھالیہ حکومت میں وزیر عہدے کا حلف لیا۔ اس کے ساتھ ہی الیکجنڈر لالو ہیک، ڈاکٹر ایم امپارین لنگدوہ، پال لنگدوہ اور کامنگون یمبون، شکلیئر ورجری نے بھی وزیراعلیٰ کے طور پر حلف لیا۔
Prime Minister Narendra Modi attends the swearing-in ceremony of Meghalaya CM-designate Conrad Sangma and the state cabinet, at the Raj Bhavan in Shillong.
Union Home Minister Amit Shah and BJP national president JP Nadda are also present her. pic.twitter.com/2SFQLZALVj
— ANI (@ANI) March 7, 2023
45 اراکین اسمبلی کی حمایت
کونراڈ سنگما نے بی جے پی کے ساتھ مل کرحکومت بنانے کا دعویٰ پیش کیا تھا۔ اس کے لئے انہوں نے 22 اراکین اسمبلی کے دستخط والا حمایتی خط گورنر کو سونپا تھا۔ بعد میں انہیں یونائیٹیڈ ڈیموکریٹک پارٹی کے 11 اور پیپلز ڈیموکریٹک فرنٹ کے 2 مزید اراکین اسمبلی کی حمایت بھی حاصل ہوگئی۔ اس طرح کونراڈ سنگما کے پاس 45 اراکین اسمبلی کی حمایت ہوگئی ہے۔
-بھارت ایکسپریس
