نئی دہلی: قومی دارالحکومت دہلی کے کریپّا پریڈ گراؤنڈ میں اتوار کے روز سولجراتھون 2026 حب الوطنی، قومی یکجہتی اور بھارتی مسلح افواج کے بہادر جوانوں کو خراجِ عقیدت پیش کرنے کے جذبے کے ساتھ منعقد ہوئی۔ تقریب کا افتتاح صدر جمہوریہ دروپدی مرمو نے ہری جھنڈی دکھا کر کیا۔ اس موقع پر سابق مرکزی وزیر اور سولجراتھون کے سرپرست جنرل (ریٹائرڈ) وی کے سنگھ کے علاوہ بھارت ایکسپریس نیوز نیٹ ورک کے چیئرمین، منیجنگ ڈائریکٹر (سی ایم ڈی) اور ایڈیٹر اِن چیف اپیندر رائے بھی موجود رہے۔
ہزاروں شرکاء نے شہیدوں، زخمی سابق فوجیوں، بھارتی فوج کے بہادر جوانوں اور پریزیڈنٹ باڈی گارڈز کے اعزاز میں بھرپور جوش و خروش کے ساتھ دوڑ میں حصہ لیا۔ یہ پروگرام صرف ایک میراتھن نہیں بلکہ وطن کے محافظوں کے لیے اظہارِ تشکر، احترام اور حب الوطنی کا عملی مظاہرہ بن گیا، جہاں ہر قدم فوجیوں کی قربانیوں اور بہادری کے نام رہا۔
پریزیڈنٹ باڈی گارڈز کے گھوڑوں کے لیے فنڈ
اس سال کی سولجراتھون کو پریزیڈنٹ باڈی گارڈز اور ان کے دستے میں شامل گھوڑوں کے اعزاز سے بھی منسوب کیا گیا۔ منتظمین کے مطابق یومِ جمہوریہ (26 جنوری) اور یومِ آزادی (15 اگست) کی پریڈ میں حصہ لینے والے گھوڑوں کی دیکھ بھال اور فلاح کے لیے بھی ایک خصوصی فنڈ قائم کیا جا رہا ہے، جس میں جمع ہونے والی رقم ان کی نگہداشت پر خرچ کی جائے گی۔
اپیندر رائے طویل وقت سے مہم کا حصہ
بھارت ایکسپریس نیوز نیٹ ورک کے چیئرمین، منیجنگ ڈائریکٹر اور ایڈیٹر اِن چیف اپیندر رائے ابتدا ہی سے سولجراتھون مہم سے وابستہ رہے ہیں۔ وہ دہلی، ممبئی–کارگل اور چھتیس گڑھ (نیا رائے پور) سمیت مختلف شہروں میں منعقد ہونے والی سولجراتھون تقریبات میں فعال کردار ادا کرتے رہے ہیں۔
کامیاب انعقاد پر اپیندر رائے نے ادا کیا تشکر
اپیندر رائے نے اس کامیاب تقریب کے انعقاد کا سہرا سابق آرمی چیف جنرل (ریٹائرڈ) وی کے سنگھ، میجر سریندر پونیا، صدر جمہوریہ کے ملٹری سکریٹری بھودیو پریڈا اور صدر کے سکریٹریٹ میں سکریٹری دیپتی اوماشنگر کے سر باندھا۔ انہوں نے تقریب کے معاون اداروں اور سرپرست تنظیموں بھوٹانی انفرا، کیوپڈ لمیٹڈ، ونڈر سیمنٹ، او این جی سی، گیل، سینا، اسٹیٹ بینک آف انڈیا (ایس بی آئی)، ورلڈ ایتھلیٹکس، ڈی اینڈ جے، پراگتی، بگ فلیکس، گراؤنڈ زیرو اور ڈیجی ٹیک کا بھی خصوصی شکریہ ادا کیا۔
اپیندر رائے نے کہا کہ ’فٹستان – ایک فِٹ بھارت‘ مہم کے تحت منعقد ہونے والی سولجراتھون ہر سال نوجوانوں، فوجی افسران، سابق فوجیوں، کھلاڑیوں اور مختلف شعبۂ زندگی سے تعلق رکھنے والی ممتاز شخصیات کو ایک پلیٹ فارم پر جمع کرتی ہے۔ ان کے مطابق سابق مرکزی وزیر اور سابق آرمی چیف جنرل وی کے سنگھ سمیت متعدد اہم شخصیات اس مہم سے جڑ کر نوجوانوں کی حوصلہ افزائی کرتی رہی ہیں۔
بھارت ایکسپریس بنا آفیشل میڈیا اسپانسر
’رن فار سولجرز‘ کے موضوع پر منعقد ہونے والے اس قومی پروگرام کا مقصد عوام میں حب الوطنی کے جذبے کو فروغ دینا اور بھارتی فوج کے حوصلے، خدمات اور قربانیوں کو سلام پیش کرنا ہے۔ اس قومی تقریب میں بھارت ایکسپریس نیوز نیٹ ورک آفیشل میڈیا اسپانسر کی حیثیت سے شریک ہے۔
تقریب کا مقصد اور امدادی سرگرمیاں
’فٹستان – ایک فِٹ بھارت‘ مہم کے تحت منعقد ہونے والی سولجراتھون ہر سال نوجوانوں، فوجی افسران، سابق فوجیوں، کھلاڑیوں اور مختلف شعبہ ہائے زندگی سے تعلق رکھنے والی ممتاز شخصیات کو ایک پلیٹ فارم پر جمع کرتی ہے۔ اس موقع پر سابق مرکزی وزیر اور سابق آرمی چیف جنرل وی کے سنگھ سمیت کئی معروف شخصیات بھی وقتاً فوقتاً شریک ہو کر نوجوانوں کی حوصلہ افزائی کرتی رہی ہیں۔
اس سال کی میراتھن میں 21 کلومیٹر (ہاف میراتھن)، 10 کلومیٹر اور 5 کلومیٹر (فن رن) کے مقابلے رکھے گئے، جن میں ہزاروں افراد نے حصہ لیا۔ منتظمین کے مطابق اس تقریب سے حاصل ہونے والی امدادی رقم کا بڑا حصہ بھارتی فوج کے زخمی جوانوں کے علاج، بحالی اور فلاحی کاموں پر خرچ کیا جائے گا۔ اس موقع پر دہلی ایک بار پھر حب الوطنی کے نعروں، قومی جذبے اور فوجیوں کے احترام کے جذبے سے گونج اٹھا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
