اتر پردیش حکومت نے ریاستی صحافیوں کی سماجی سلامتی اور بہبود کے لیے ایک اہم قدم اٹھاتے ہوئے ’’پترکار کلیان کوش‘‘ (صحافی فلاحی فنڈ) کے قیام کی منظوری دے دی ہے۔ اس فنڈ میں 80.31 لاکھ روپے کی رقم مختص کی گئی ہے۔
कुछ दिन पूर्व, मैने माननीय मुख्यमंत्री श्री @myogiadityanath जी से मिलकर पत्रकारों की सामाजिक सुरक्षा एवं कल्याण के लिए राज्य पत्रकार कल्याण कोष की स्थापना का अनुरोध किया था।
आज, यह बताते हुए हर्ष हो रहा है कि पत्रकार कल्याण कोष हेतु ₹80.31 लाख की राशि स्वीकृत की गई है, यह… https://t.co/ry67fcAOdD pic.twitter.com/U3Vr4S9dS2
— Rajeshwar Singh (@RajeshwarS73) October 26, 2025
یہ پیش رفت اس وقت سامنے آئی جب حال ہی میں بی جے پی لیڈر راجیشور سنگھ نے وزیراعلیٰ یوگی آدتیہ ناتھ سے ملاقات کے دوران ریاست کے صحافیوں کے لیے ایک مستقل فلاحی فنڈ قائم کرنے کی تجویز پیش کی تھی۔ وزیراعلیٰ نے اس تجویز کو سنجیدگی سے لیتے ہوئے اس پر فوری عملدرآمد کی ہدایت دی۔
اطلاعات کے مطابق، یہ فیصلہ ریاستی حکومت کے اُس عزم کو ظاہر کرتا ہے جو صحافیوں کی عزت، سلامتی اور باوقار پیشہ ورانہ زندگی کے تحفظ سے متعلق ہے۔ اس اقدام کو ریاست کے میڈیا حلقوں میں تاریخی اور انقلابی قدم قرار دیا جا رہا ہے۔ وزیراعلیٰ یوگی آدتیہ ناتھ کے وژنری اور حساس قیادت میں منظور شدہ یہ فنڈ نہ صرف صحافیوں کے اعتماد کو مضبوط کرے گا بلکہ میڈیا کے تئیں حکومت کی مثبت سوچ کو بھی اجاگر کرتا ہے۔
اس موقع پر تجویز پیش کرنے والے بی جے پی لیڈر راجیشور سنگھ نے کہا کہ ’’یہ فیصلہ اتر پردیش کے میڈیا ورکرز کے لیے اعتماد اور خوداعتمادی کی نئی بنیاد رکھے گا‘‘۔ انہوں نے وزیراعلیٰ یوگی آدتیہ ناتھ کا شکریہ ادا کرتے ہوئے کہا کہ ’’صحافی سچائی کی مشعل ہیں، جو اندھیرے میں بھی روشنی پھیلانے کا حوصلہ رکھتے ہیں‘‘۔ انہوں نے مزید کہا کہ صحافی سماج کا آئینہ ہیں اور ان کے بااختیار ہونے میں جمہوریت کی مضبوطی پوشیدہ ہے اور آخر میں انہوں نے وزیراعلیٰ یوگی آدتیہ ناتھ کا شکریہ بھی ادا کیا۔ ریاستی حکومت کے اس اقدام کو صحافتی برادری نے زبردست خیرمقدم کیا ہے اور اسے اتر پردیش کے میڈیا سیکٹر میں اعتماد بحالی کا سنگ میل قرار دیا ہے۔
-بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
