سی ایم ممتا کو پھر لگی چوٹ
لوک سبھا الیکشن 2024: مغربی بنگال کی وزیر اعلیٰ ممتا بنرجی ایک بار پھر انجری کا شکار ہو گئیں۔ درگاپور میں ہیلی کاپٹر میں سوار ہونے کے دوران وہ زخمی ہوگئیں۔ اس دوران انہیں سیکورٹی اہلکاروں نے سمبھالا۔ وہ درگاپور سے آسنسول جارہی تھیں۔ حالانکہ، زیادہ چوٹ نہیں لگی ہے۔ اس لیے وہ آسنسول کے لیے روانہ ہو گئی ہیں۔
اس واقعے کے حوالے سے وزیراعلیٰ کی ایک ویڈیو بھی سوشل میڈیا پر وائرل ہو رہی ہے، جس میں واضح طور پر دیکھا جا سکتا ہے کہ وہ ہیلی کاپٹر میں سوار ہوتی ہیں اور پھر جیسے ہی وہ اندر کی سیٹ کی طرف جاتی ہیں، وہ لڑکھڑا کر گر جاتی ہیں۔ اسی دوران سیکورٹی اہلکاروں نے انہیں فوراً اٹھا کر کرسی پر بٹھا دیا۔
خبر رساں ایجنسی اے این آئی کے مطابق مغربی بنگال کی وزیر اعلیٰ ممتا بنرجی آج مغربی بردھمان کے درگا پور میں اپنے ہیلی کاپٹر میں سوار ہوتے وقت اپنی سیٹ سنبھالتے ہوئے پھسل کر گر گئیں۔ اطلاعات کے مطابق انہیں معمولی چوٹیں آئیں۔ انہوں نے اپنا آگے کا سفر آسنسول تک جاری رکھا ہے۔
#WATCH | West Bengal CM Mamata Banerjee slipped and fell while taking a seat after boarding her helicopter in Durgapur, Paschim Bardhaman today. She reportedly suffered a minor injury and was helped by her security personnel. She continued with her onward travel to Asansol. pic.twitter.com/UCt3dBmpTQ
— ANI (@ANI) April 27, 2024
بھارت ایکسپریس۔
