دہلی کی وزیر اعلیٰ ریکھا گپتا۔
دہلی کی وزیراعلیٰ ریکھا گپتا نے جَن سنوائی کے دوران اپنے اوپر ہوئے حملے کے بعد پہلا بیان جاری کیا ہے۔ انہوں نے سوشل میڈیا پلیٹ فارم ’ایکس‘ پر لکھا کہ ’’آج صبح جَن سنوائی کے دوران میرے اوپر ہوا حملہ صرف مجھ پر نہیں بلکہ دہلی کی خدمت اور عوام کی بھلائی کے ہمارے عزم پر کی گئی ایک بزدلانہ کوشش ہے۔‘‘ وزیراعلیٰ نے کہا کہ ’’فطری طور پر اس حملے کے بعد میں صدمے میں تھی، لیکن اب بہتر محسوس کر رہی ہوں۔ میں اپنے تمام خیر خواہوں سے گزارش کرتی ہوں کہ براہ کرم مجھ سے ملاقات کرنے کے لیے پریشان نہ ہوں، میں جلد ہی آپ کے درمیان کام کرتی نظر آؤں گی۔‘‘
आज सुबह जनसुनवाई के दौरान मेरे ऊपर हुआ हमला केवल मेरे ऊपर नहीं, बल्कि दिल्ली की सेवा और जनता की भलाई के हमारे संकल्प पर किया गया एक कायराना प्रयास है।
स्वाभाविक है कि इस हमले के बाद मैं सदमे में थी, परन्तु अब बेहतर महसूस कर रही हूँ। मैं अपने सभी शुभचिंतकों से निवेदन करती हूँ कि…
— Rekha Gupta (@gupta_rekha) August 20, 2025
عزم میں کوئی کمی نہیں
ریکھا گپتا نے اپنے پیغام میں واضح کیا کہ ’’ایسے حملے میرے حوصلے اور عوام کی خدمت کے عزم کو کبھی توڑ نہیں سکتے۔ اب میں پہلے سے کہیں زیادہ توانائی کے ساتھ آپ کے درمیان رہوں گی۔‘‘ انہوں نے مزید کہا کہ ’’جَن سنوائی اور عوامی مسائل کا حل پہلے کی طرح سنجیدگی اور عزم کے ساتھ جاری رہے گا۔ آپ کا اعتماد اور تعاون ہی میری سب سے بڑی طاقت ہے اور آپ سب کی محبت، دعاؤں اور نیک خواہشات کے لیے تہہ دل سے شکر گزار ہوں۔‘‘
وزیراعلیٰ پر حملہ کب ہوا؟
یہ واقعہ 20 اگست کی صبح تقریباً 8:15 بجے پیش آیا، جب وزیراعلیٰ اپنے جَن سنوائی پروگرام میں عوام کی شکایتیں سن رہی تھیں۔ لوگوں کی باری چل رہی تھی کہ اسی دوران راجیش بھائی کھیمجی اپنی فائلیں لے کر قریب آیا۔ بظاہر وہ ایک عام شکایت کنندہ نظر آیا، مگر اچانک اس نے وزیراعلیٰ پر حملہ کر دیا۔ موقع پر موجود اسٹاف اور سکیورٹی اہلکاروں نے فوراً کارروائی کرتے ہوئے ملزم کو قابو میں کر لیا۔
مقدمہ درج اور مجرمانہ پس منظر
ملزم کے خلاف سول لائنس پولیس اسٹیشن میں بی این ایس کی دفعات 132 (سرکاری ملازم پر حملہ)، 221 (سرکاری کام میں رکاوٹ) اور 109 (قتل کی کوشش) کے تحت مقدمہ درج کیا گیا ہے۔ پولیس کے مطابق راجیش بھائی کھیمجی کے خلاف پہلے سے پانچ مجرمانہ مقدمات درج ہیں، جن میں سے تین شراب کی اسمگلنگ اور دو مارپیٹ سے متعلق ہیں۔ کچھ معاملات میں وہ بری بھی ہو چکا ہے۔ دہلی پولیس اس کے مجرمانہ پس منظر کی مکمل چھان بین کر رہی ہے اور یہ بھی جانچ رہی ہے کہ کہیں اس حملے کے پیچھے کسی تنظیم یا سیاسی گروہ کا ہاتھ تو نہیں ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
