بھوپال میں مسلم کانسٹبل کی غنڈوں نے کی پٹائی، کانگریس نے اٹھایا بڑا سوال، کہا- پولیس والا مسلمان تھا، اس لئے پیٹ دیا

بھوپال کے رانی کملا پتی ریلوے اسٹیشن احاطے میں ایک کارمیں شراب پی رہے لوگوں کوروکنے کی کوشش کرنے پرایک جی آرپی سپاہی کی بری طرح پٹائی کی گئی اوراس کی وردی پھاڑدی گئی۔ حادثہ کا ویڈیوسوشل میڈیا پروائرل ہوگیا ہے، جس میں ایک سپاہی کی پٹائی کے بعد پھٹی ہوئی وردی میں گھومتے ہوئے دیکھا جاسکتا ہے۔ آپ کوبتادیں کہ کملاپتی ریلوے اسٹیشن پرایک مسلم ہیڈ کانسٹبل نذردولت خان کی بری طرح سے پٹائی صرف اس لئے کی گئی کیونکہ وہ مسلمان تھا۔ جی آرپی پولیس نے حادثہ میں معاملہ درج کرکے ایک ملزم کو گرفتارکرلیا ہے۔ وہیں، اب اس معاملے سے متعلق کانگریس نے برہمی کا اظہارکیا ہے۔

کانگریس ترجمان سپریا شری نیت نے کہا، ’’بھوپال میں ریلوے اسٹیشن کے باہرگاڑی میں کچھ لوگ شراب پی رہے تھے۔ جب کانسٹبل دولت خان نے انہیں وہاں سے ہٹنے کوکہا تویہ غنڈے دولت خان کو پیٹنے لگے اورجب دوسرے کانسٹبل کمل اپنے ساتھی کو بچانے کے لئے آئے تب غنڈوں نے کہا کہ تم ہندو ہو، ہٹ جاؤ۔‘‘ انہوں نے کہا، ’’یہ حال ہے اس ملک کا، جن غنڈوں کی پولیس کو دیکھ کرروح کانپنی چاہئے وہ ایک پولیس والے کو پیٹ رہے ہیں۔ ان جاہلوں کی اتنی ہمت صرف اس لئے کیونکہ پولیس والا مسلمان تھا۔‘‘

भोपाल में रेल्वे स्टेशन के बाहर गाड़ी में कुछ लंपट शराब पी रहे थे

जब कांस्टेबल दौलत खान ने उन्हें वहां से हटने को कहा – यह गुंडे दौलत खान को पीटने लगे

और जब दूसरे कांस्टेबल कमल अपने साथी को बचाने के लिए आए – तब गुंडों ने कहा- तुम हिन्दू हो, हट जाओ

यह हाल है इस देश का – जिन… pic.twitter.com/tQEQ2yp7u5

— Supriya Shrinate (@SupriyaShrinate) April 27, 2025

اس حادثہ پر پولیس نے کیا کہا؟

وہیں، اس حادثہ سے متعلق پولیس کا کہنا ہے کہ حادثہ کے بعد ایس یووی میں سوارہوکربھاگنے والے تین سے چارلوگوں کی پہچان ابھی نہیں ہوپائی ہے۔ ایس یو وی کے رجسٹریشن نمبرکی بنیاد پرملزمین کوجلد ہی پکڑلیا جائے گا۔ ویڈیو میں پٹتے ہوئے نظرآرہے ہیڈ کانسٹبل سمیت کچھ پولیس اہلکارآدھی رات کے آس پاس گشت کررہے تھے۔ کار میں شراب پی رہے لوگوں کودیکھ کر پولیس اہلکاروں نے انہیں روکا۔ تنازعہ شروع ہوگیا اورکارمیں سوارنوجوانوں نے پولیس اہلکاروں کو پیٹنا شروع کردیا۔ جب دیگرپولیس اہلکاروں نے بیچ بچاؤکرنے کی کوشش کی تو شرابی نوجوانوں نے انہیں روک دیا۔ ریلوے اسٹیشن کے باہراحاطے میں کچھ دیرتک یہ واقعہ چلتا رہا۔

کلیدی ملزم ہے فرار