ایودھیا اجتماعی عصمت دری کیس کے ملزم معید خان کا شاپنگ کمپلیکس مسمار، قبرستان سے تجاوزات بھی ہٹائے گی انتظامیہ
Ayodhya News: ایودھیا، اترپردیش میں، ضلع انتظامیہ نے اجتماعی عصمت دری کے ملزم معید خان کے شاپنگ کمپلیکس کو منہدم کردیا ہے، جسے سماج وادی پارٹی کے رکن پارلیمنٹ اودھیش پرساد کا قریبی سمجھا جاتا ہے۔ مقامی انتظامیہ نے ملزم معید خان کی ملکیت والے ‘غیر قانونی’ شاپنگ کمپلیکس کو گرانے کے لیے بلڈوزر تعینات کیے تھے۔ اس کے علاوہ انتظامیہ معید خان کا قبرستان پر سے ناجائز قبضہ بھی ختم کرائے گی۔
VIDEO | #Ayodhya gangrape case: Local administration demolishes an ‘illegal’ shopping complex owned by the accused Moid Khan.
(Full video available on PTI Videos – https://t.co/n147TvqRQz) pic.twitter.com/0vdqUR0cZ6
— Press Trust of India (@PTI_News) August 22, 2024
یہ بھی پڑھیں- Seven AQIS Member arrested in Jharkhand: جھارکھنڈ میں AQIS کے سات رکن گرفتار، ATS نے AK-47 کیا برآمد
معلومات کے مطابق منگل کو انتظامیہ کی جانب سے ناجائز تجاوزات ہٹانے کے لیے 24 گھنٹے کا الٹی میٹم دیا گیا تھا۔ اس سب کے درمیان محمد معید خان کے اہل خانہ ہائی کورٹ پہنچ گئے ہیں۔ شاپنگ کمپلیکس کی مسماری پر حکم امتناعی حاصل کرنے کے لیے اہل خانہ ہائی کورٹ پہنچ گئے۔ کیس کی سماعت کل ہائی کورٹ میں ہوگی جبکہ ضلعی انتظامیہ نے آج ہی کارروائی کی۔
اس کے علاوہ آج فیض آباد عدالت میں معید خان کی ضمانت سے متعلق بھی سماعت ہے۔ حال ہی میں ایودھیا میں ایک نابالغ لڑکی کی عصمت دری کا معاملہ سامنے آیا تھا۔ الزام ہے کہ ایس پی لیڈر معید خان نے نابالغ کو نوکری کا جھانسہ دے کر ریپ کیا۔
کیسے سامنے آیا معاملہ؟
معاملہ اس وقت سامنے آیا جب نابالغ کے پیٹ میں درد ہوا۔ اہل خانہ اسے ڈاکٹر کے پاس لے گئے جہاں طبی معائنے کے بعد پتہ چلا کہ وہ حاملہ ہے۔ اس کے بعد اس نے گھر والوں کو پوری کہانی سنائی، یوپی کے سی ایم یوگی آدتیہ ناتھ نے اسمبلی میں بھی ایس پی لیڈر معید خان کا معاملہ اٹھایا تھا۔
انہوں نے کہا تھا کہ اس معاملے میں کسی بھی مجرم کو نہیں بخشا جائے گا، ضلعی انتظامیہ نے ملزم معید خان کی بیکری کو بلڈوز کر دیا ہے۔ علاوہ ازیں فوڈ سیفٹی ڈیپارٹمنٹ کے اہلکاروں نے ملزم کی بیکری پر چھاپہ مار کر تمام سامان ضبط کر کے اس کی بیکری کو سیل کر دیا۔
-بھارت ایکسپریس
