سسٹین چیپل (فوٹو: اے پی)
پوپ فرانسس کی وفات کے بعد ویٹیکن سٹی میں اب اگلے پوپ کے انتخاب کا عمل 7 مئی کو منعقد ہونے والے کارڈینلز کے ساتھ شروع ہوگا۔ کالج آف کارڈینلز نے پانچویں جنرل کانگریگیشن میں کانکلیو کو طلب کرنے کا فیصلہ کیا، جو پیر کی صبح ویٹیکن کے Synod ہال میں منعقد ہوا۔ ویٹیکن نیوز کے مطابق کانکلیو ویٹیکن کے سسٹین چیپل میں منعقد ہوگی، جو اس دوران زائرین کے لیے بند رہے گی۔
سسٹین چیپل میں منعقد ہوگا کانکلیو
پوپ کے انتخاب کا عمل روایتی طور پر پر ویٹیکن اپوسٹولک پیلس کے اندر واقع سسٹین چیپل میں ہوتا ہے، جو انتخاب کے اختتام تک عوام کے لیے مکمل طور پر بند رہتا ہے۔ ویٹیکن نیوز کے مطابق انتخابی عمل کے دوران کارڈینل الیکٹرز کو خطوط بھیجنے یا فون کالز سمیت بات چیت میں مشغول ہونے سے گریز کرنا چاہیے۔ بیان کے مطابق انھیں کسی بھی قسم کے پیغامات بھیجنے یا وصول کرنے، کسی بھی نوعیت کے اخبارات یا رسائل وصول کرنے، یا ریڈیو یا ٹیلی ویژن کی نشریات کی پیروی کرنے کی اجازت نہیں ہے۔
نہایت دلچسپ ہوتا ہے پوپ کا انتخابی عمل
واضح رہے کہ نئے پوپ کو منتخب کرنے کے لیے وہاں موجود ووٹروں کی دو تہائی اکثریت کی ضرورت ہوتی ہے۔ ووٹوں کی گنتی کے بعد تمام بیلٹ جلا دیے جاتے ہیں۔ اگر بیلٹ غیر نتیجہ خیز ہوتاہے تو سسٹین چیپل کے اوپر لگی چمنی سیاہ دھواں خارج کرتی ہے اور اگر کوئی پوپ منتخب ہوتا ہے تو چمنی سے سفید دھواں نکلتا ہے۔
کیا دنیا کو پہلا سیاہ فام پوپ مل سکتا ہے؟
دریں اثنا کئی لوگوں کا ماننا ہے کہ دنیا کو پہلی مرتبہ ایک سیاہ فام پوپ مل سکتا ہے۔ نئے پوپ کے لیے جن لوگوں کے نام پر غور کیا جا رہا ہے ان میں گھانا کے پیٹر ٹرکسن کا نام بھی چرچا میں ہے۔ ذرائع کا ماننا ہے کہ پیٹر ٹرکسن کے پوپ بننے کی امکانات روشن ہیں، لیکن ان کا نام سب سے اوپر نہیں ہے۔
ہندوستان کے بھی ہیں چار کارڈینلز
دھیرے دھیرے ہندوستان بھی اس فہرست میں شامل ہو رہا ہے۔ فی الحال کارڈینل کانکلیو میں ووٹ دینے کے اہل 135 کارڈینلز میں سے چار کا تعلق ہندوستان سے ہے۔ ان میں کارڈینل فلپ نیری فیراؤ، کارڈینل بیسیلیوس کلیمس، کارڈینل انتھونی پولا، اور کارڈینل جارج جیکب کوواکاد شامل ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
