لاہور میں والٹن ایئرپورٹ کے قریب دھماکہ
لاہور: آپریشن سندور کے بعد پاکستان میں افراتفری کا ماحول ہے۔ ادھر پاکستان کے شہر لاہور میں دھماکوں سے متعلق خبریں سامنے آئی ہیں۔ بتایا جا رہا ہے کہ لاہور میں یکے بعد دیگرے کئی دھماکوں کی آوازیں سنی گئیں۔
لاہور پولیس کے مطابق لاہور کے علاقے والٹن روڈ پر زوردار دھماکہ ہوا ہے۔ تقریباً 2 سے 3 دھماکے ہوئے ہیں۔ ان دھماکوں کی آواز اتنی شدید تھی کہ لوگ گھروں سے باہر نکل آئے۔
فی الحال دھماکوں اور جانی و مالی نقصان کی وجہ معلوم نہیں ہوسکی ہے۔ اس کے علاوہ پولیس موقع پر پہنچ گئی ہے اور کسی کو جائے واردات پر جانے کی اجازت نہیں دے رہی ہے۔
لاہور میں ہونے والے دھماکوں سے متعلق یہ خبر ایک ایسے وقت میں سامنے آئی ہے جب ہندوستانی فوج نے 6-7 مئی کی درمیانی رات پہلگام حملے کے جواب میں ’آپریشن سندور‘ شروع کیا تھا۔ ہندوستانی فوج نے پاکستان میں دہشت گردوں کے 9 ٹھکانے تباہ کر دیئے۔
پاکستان کے انٹر سروس پبلک ریلیشنز (آئی ایس پی آر) کے سربراہ جنرل احمد شریف چودھری نے کہا کہ ان فضائی حملوں میں کم از کم 26 افراد ہلاک اور 46 زخمی ہوئے۔ یہ حملے پی او کے اور صوبہ پنجاب کے ان علاقوں میں ہوئے جہاں ہندوستان کے مطابق دہشت گردوں کے ٹھکانے تھے۔
اس صورت حال کے مد نظر پاکستان میں ریڈ الرٹ جاری کر دیا گیا ہے۔ تمام سرکاری اسپتالوں کو اسٹینڈ بائی پر رہنے کا کہا گیا ہے، ملک کی فضائی سرحدیں 24 سے 36 گھنٹے کے لیے بند کر دی گئی ہیں، اسلام آباد اور پنجاب کے تمام اسکول اور کالج بند کر دیے گئے ہیں اور سیکورٹی فورسز کو الرٹ کر دیا گیا ہے۔
ادھر پاکستان اور ہندوستان کے درمیان بڑھتی ہوئی کشیدگی کے حوالے سے پاکستان کے وزیر دفاع خواجہ آصف نے کہا ہے کہ اگر ہندوستان اپنے جارحانہ موقف سے پیچھے ہٹتا ہے تبھی یہ کشیدگی ختم ہو سکتی ہے۔
بلومبرگ سے گفتگو کرتے ہوئے خواجہ آصف نے کہا کہ پاکستان کو اپنی سلامتی کا پورا حق ہے۔ انہوں نے کہا کہ پاکستان نے حملہ نہیں کیا، بلکہ صرف ہندوستان کے حملے کا جواب دیا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
