جاپانی وزیر اعظم فومیو کشیدا پر بم سے حملہ کیا گیا۔
جاپان سے ایک بڑی خبر سامنے آ رہی ہے. یہاں کے وزیر اعظم فومیو کشیدا کی تقریب میں زبردست دھماکہ ہوگیا ہے۔ حالانکہ کشیدا کو محفوظ طریقے سے نکال لیا گیا ہے۔ جاپان کی میڈیا رپورٹس کے مطابق، کشیدا کے پاس ایک پائپ جیسی چیز پھینکی گئی تھی۔ معاملے میں مغربی جاپان کے واکایاما میں ایک بندرگاہ پر ایک شخص کو حراست میں لیا گیا ہے۔ اس طرح سے جاپانی وزیراعظم کشیدا بال بال بچ گیے ہیں۔
Japan’s Prime Minister Fumio Kishida evacuated after blast at speech in Wakayama#Japan #FumioKishida pic.twitter.com/7ch1m4oon7
— Jaya Mishra (@anchorjaya) April 15, 2023
اس حادثہ کا ایک ویڈیو نیوز آؤٹ لیٹ کی طرف سے ٹوئٹر پر شیئر کیا گیا ہے۔ اس میں دیکھا جاسکتا ہے کہ واکا یاما میں اکٹھا ہوئے پہلے میڈیا اہلکار اور دیگر لوگ ایک زبردست دھماکے کے بعد بھاگتے ہوئے دکھائی دے رہے ہیں۔ 19 سیکنڈ کے فوٹیج میں میڈیا اہلکاروں اور دیگر لوگوں کو اس جگہ سے بھاگتے ہوئے دکھایا گیا ہے، جہاں فومیو کشیدا کے بھی ہونے کی خبر ہے۔ اس جگہ پر دھماکہ کے بعد چاروں طرف دھواں دھواں نظر آرہا تھا۔
BREAKING: Japanese Prime Minister Kishida evacuated after loud bang; suspect in custody pic.twitter.com/iQDZeCOePh
— BNO News Live (@BNODesk) April 15, 2023
پولیس کا تبصرہ کرنے سے انکار
حادثہ کی ابھی تک سرکاری سطح پر تصدیق نہیں ہوئی ہے۔ مقامی پولیس نے تبصرہ کرنے سے انکار کردیا ہے۔ نیشنل براڈ کاسٹر این ایچ کے نے جائے حادثہ پر بھیڑ کے درمیان پولیس کی طرف سے ایک شخص کو حراست میں لئے جانے کا فوٹیج بھی دکھایا ہے۔ اس سے پہلے جولائی 2022 میں ایک مہم پروگرام کے دوران جاپان کے سابق وزیر اعظم شنزو آبے کا گولی مارکر قتل کردیا گیا تھا۔ تب سے جاپان میں سیکورٹی میں اضافہ کردیا گیا ہے۔
