سعودی عرب میں شوال کا چاند نظرآگیا ہے۔ عرب ممالک میں 30 مارچ کو عید الفطر کا تہوار منایا جائے گا۔
عرب ممالک میں شوال کا چاند نظرآگیا ہے۔ وہاں پرعیدالفطرکی نماز30 مارچ کوادا کی جائے گی۔ سعودی رویت ہلال کمیٹی نے اطلاع دی ہے کہ آج 29 مارچ 2025 بروزسنیچرشوال کا چاند دیکھا گیا، لہذا 30 مارچ 2025ء بروزاتوارعید الفطر کی نمازادا کی جائے گی ان شاء اللہ۔ حرمین شریفین نے بھی باضابطہ ٹوئٹ کے ذریعہ عیدالفطرکی مبارکباد پیش کی ہے اورچاند دیکھنے کی تصدیق کی ہے۔ سعودی عرب کے علاوہ قطر میں بھی چاند دیکھا گیا ہے، وہاں بھی 30 مارچ کو عید الفطرمنائی جائے گی۔
نهئنكم بحلول #عيد_الفطر_المبارك
تقبل منا ومنكم صالح الأعمال، وكل عام وأنتم بخير.#المسجد_الحرام pic.twitter.com/32NkiMC8nA— الهيئة العامة للعناية بشؤون الحرمين (@AlharamainSA) March 29, 2025
سعودی عرب کے دارالحکومت ریاض میں مقیم مولانا منصوراحمد مدنی نے واٹس اپ پیغام کے ذریعہ اطلاع دی ہے کہ کل بروزاتوار(30 مارچ) کوعیدالفطرکی نمازادا کی جائے گی۔ اطلاعات کے مطابق، رمضان کا مہینہ 29 کا شمارکیا جائے گا۔ اس طرح سے عرب ممالک میں رمضان کا مہینہ کا مکمل ہوگیا ہے اورشوال کا چاند نظرآگیا ہے۔ تفصیلات کے مطابق، ہندوستان میں 31 مئی (بروز پیر) عیدالفطرکا تہوار منائے جانے کا امکان ہے۔
BREAKING NEWS | The crescent moon has been sighted in Saudi Arabia. #EidAlFitr will be celebrated on Sunday, 30th March 2025.
May Allāh accept our siyām, qiyām & a’māl & may He allow us to witness many more Ramadāns in good health. Āmīn. pic.twitter.com/JHxLWE3r61
— 𝗛𝗮𝗿𝗮𝗺𝗮𝗶𝗻 (@HaramainInfo) March 29, 2025
عرب ممالک میں رمضان کا مبارک اورمقدس مہینہ ختم ہوگیا ہے۔ اللہ رب العالمین سے دعا ہے کہ وہ ہمارے روزے ، نمازیں ، تراویح ، عبادات اورہماری دعاؤں کو اپنی بارگاہ میں قبول فرمائے اورماہِ رمضان المبارک زندگی میں باربارنصیب کرے۔ آمین۔ عرب ممالک میں چاند کی تصدیق ہوجانے کے بعد ہندوستان سمیت برصغیرمیں بھی عیدالفطرکی تیاریاں شروع ہوگئی ہیں۔ دراصل، عرب ممالک میں یکم مارچ 2025 (بروزہفتہ) سے رمضان المبارک کا آغاز ہوا تھا جبکہ ہندوستان میں 2 مارچ (بروزاتوار) سے رمضان شروع ہوا تھا۔ عرب ممالک میں چاند کی تصدیق کے بعد عام طورپربرصغیرمیں بھی ایک دن بعد رمضان اورعید منائی جاتی ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
