Myanmar Earthquake: میانمار میں 7.7 شدت کےزلزلے کے جھٹکے، چین، تھائی لینڈ، بنگلہ دیش اور بھارت تک محسوس کیے گئے

میانمار میں جمعرات کو زلزلے کے خطرناک جھٹکے محسوس کیے گئے۔ اس زلزلے کی شدت ریکٹر اسکیل پر 7.7 تھی۔ اس زلزلے کی وجہ سے زمین کے مسلسل لرزنے کو تباہی کی علامت قرار دیا جا رہا ہے۔ پڑوسی ممالک بنگلہ دیش، چین، لاؤس اور تھائی لینڈ بھی اس زلزلے سے متاثر ہوئے۔ اتنا ہی نہیں دہلی این سی آر میں بھی زلزلے کے جھٹکے محسوس کیے گئے۔

سوشل میڈیا پلیٹ فارم ایکس کے مطابق  ایک ویڈیو میں بنکاک اور دیگر شہروں میں عمارتیں لرزتی دکھائی دے رہی ہیں، لوگ خوف زدہ ہورکر سڑکوں پر بھاگ رہے ہیں۔

سیگنگ برج کی خوفناک تصاویر

زلزلے کے بعد سوشل میڈیا پر وائرل ہونے والی ویڈیوز اور تصاویر میں پل ٹوٹنے کی خوفناک تصاویر سامنے آئی ہیں۔ مقامی لوگوں اور حکام نے بتایا کہ اس واقعے سے علاقے میں ٹریفک بری طرح متاثر ہوئی ہے۔ راحت اور بچاؤ کی کارروائیاں شروع کر دی گئی ہیں، لیکن میانمار میں پہلے سے موجود بحرانوں کے درمیان تباہی نے صورتحال کو مزید پیچیدہ بنا دیا ہے۔ سیگنگ برج کا گرنا اس زلزلے کی شدت اور اس کے تباہ کن اثرات کا واضح ثبوت ہے۔

بھارت ایکسپریس