ہنڈن ریور فلڈ
Hindon River Flood: پہاڑوں پر مسلسل بارش کی وجہ سے تمام ندیاں عروج پرہیں۔ جمنا کے بعد اب ہنڈن ندی نے لوگوں کی مشکلات بڑھا دی ہے۔ نشیبی علاقوں کے ساتھ ساتھ اب رہائشی علاقوں میں بھی پانی بھرنے لگا ہے۔ صورتحال کے پیش نظر ندی کے کنارے رہنے والے لوگوں کو محفوظ مقام پر پہنچایا جا رہا ہے۔ سیلاب سے متاثرہ افراد کے لیے کھانے پینے کے مناسب انتظامات کیے گئے ہیں۔ اس دوران گریٹر نوئیڈا کی ایک ویڈیو سوشل میڈیا پر کافی وائرل ہو رہی ہے۔ وائرل ویڈیو میں واضح طور پر دیکھا جا سکتا ہے کہ سینکڑوں گاڑیاں پانی میں ڈوبی ہوئی ہیں۔
#WATCH | Noida, UP: Due to an increase in the water level of Hindon River, the area near Ecotech 3 got submerged due to which many vehicles got stuck. pic.twitter.com/a5WOcLCH02
— ANI (@ANI) July 25, 2023
200 افراد کو نکالا گیا باہر
انتظامیہ کی ٹیم نے پانچ گاؤں سے تقریباً 200 لوگوں کا ریسکیو کیا ہے۔ ان لوگوں کو شیلٹر ہومز میں لے جایا جا رہا ہے۔ ان تمام لوگوں کی اچھی طرح دیکھ بھال کی جا رہی ہے۔ اس دوران حکام نے بتایا کہ انہوں نے پیر کے روز ہنڈن ندی سے دو لوگوں کی لاشیں برآمد کیں ہے۔ دونوں ہنڈن کے گہرے پانی میں پھسل کر لاپتہ ہوگئے تھے۔ مرنے والوں کی شناخت 18 سالہ آدرش اور 46 سالہ کرش کے طور پر کی گئی ہے۔ یہ دونوں لوگ اتوار کے روز لاپتہ ہوئے تھے۔
رپورٹ کے مطابق ڈپٹی کمشنر آف پولیس (سٹی) نپن اگروال نے کہا کہ نیشنل ڈیزاسٹر رسپانس فورس (این ڈی آر ایف) کی ٹیم نے طویل ریسکیو آپریشن کے بعد دونوں لاشوں کو نکالا۔ حکام کا مزید کہنا تھا کہ پانی کی سطح پہلے سے کم ہونے کے بعد بھی سیلابی پانی گاؤں میں مسلسل داخل ہو رہا ہے۔ فی الحال، این ڈی آر ایف کی ٹیم اٹور نانگلا گاؤں جیسے دیگر قریبی گاؤں میں جمع پانی کو نکالنے کا کام کر رہی ہے۔
لوگوں سے گھر خالی کرنے کی اپیل
نوئیڈا سنٹرل کے ڈی سی پی انل یادو نے کہا کہ ہنڈن ندی کے پانی کی سطح بڑھ گئی ہے جس کی وجہ سے انتظامیہ کے لوگ یہاں موجود ہیں۔ ہم لوگوں سے گھر خالی کرنے کی اپیل کر رہے ہیں۔ یہاں اولا کمپنی کا ایک ڈمپ یارڈ ہے جہاں پرانی اور خراب گاڑیاں رکھی جاتی ہیں۔ پولیس انتظامیہ کی جانب سے انہیں دو بار گاڑیاں ہٹانے کے لیے نوٹس دیے گئے تھے۔ آس پاس کے گاؤں کو خالی کرا لیا گیا ہے۔ کسی قسم کا جانی نقصان نہیں ہوا ہے۔ ہم ان لوگوں کو محفوظ مقام پر لے جائیں گے۔
یہ بھی پڑھیں: چوہے کو مارنے کی ویڈیو وائرل ہونے کے بعد ایک شخص گرفتار، پولیس نے بتایا کس وجہ سے ہوئی گرفتاری
بھارت ایکسپریس۔
