میرٹھ میں ہائی ٹینشن لائن سے ٹکرایا کانوڑیوں کا ڈی جے، دردناک حادثے میں 5 کی موت، کئی جھلسے
Kanwar Accident in Meerut: میرٹھ میں ایک بڑا حادثہ اس وقت پیش آیا جب ہائی ٹینشن تار ٹوٹ کر کانوڑ کو لے جانے والے کانوڑیوں پر گر گیا۔ اس دردناک حادثے میں 5 لوگوں کی موت ہو گئی ہے اور کئی لوگوں کے جھلس جانے کی خبر ہے۔ معلومات کے مطابق میرٹھ پرکشیت گڑھ روڈ پر واقع رالی چوہان گاؤں کے سامنے کانوڑ کیمپ کے اوپر ہائی ٹینشن تار گر گیا، جس میں کچھ کانوڑیوں کے جھلس جانے کی اطلاع ہے۔ سبھی کو علاج کے لیے اسپتال ریفر کر دیا گیا ہے۔ میرٹھ کے ضلع مجسٹریٹ دیپک مینا نے 5 لوگوں کی موت کی تصدیق کی ہے۔
کانوڑیوں کا ڈی جے ہائی ٹینشن لائن سے ٹکرا گیا اور اب اس واقعہ کے بعد کانوڑیوں کے ساتھ مشتعل گاؤں والوں نے سڑک بلاک کر دی ہے۔ یہ واقعہ بھونا پور کے کیلا روڈ پر واقع گاؤں رالی چوہان کا ہے۔ جہاں کانوڑیوں کا ڈی جے ہائی ٹینشن لائن سے ٹکرا گیا اور کرنٹ لگنے سے کئی کانوڑیوں کے جھلس جانے کی خبریں منظرعام پر آئیں، اس کے ساتھ ہی کئی کانوڑیوں کی موت کی بھی خبر ہے، جن میں مہندر-والد کا نام کمل سینی، پپو-والد کا نام سریش، ہمانشو- والد کا نام سریش اور لکشمی-والد کا نام بھگیرتھ ہے۔
#WATCH | Uttar Pradesh: Meerut DM, Deepal Meena says “Five Kanwariya pilgrims were electrocuted to death and five others admitted to a hospital after their vehicle playing music, brushed against an 11KV line (wire). The incident took place in Bhawanpur’s Rali Chauhan village in… pic.twitter.com/Y9P3057QzI
— ANI UP/Uttarakhand (@ANINewsUP) July 15, 2023
ہریدوار سے کانوڑ کو لانے والے شیو کے ایک بھکت نے بتایا کہ جیسے ہی وہ کانوڑ گاؤں میں داخل ہوا، بجلی کی وجہ سے وہ ایک یا دو گھنٹے تک باہر کھڑا رہا اور جے ای سے بات کی۔ پھر معلوم ہوا کہ لائن کٹ گئی ہے لیکن جیسے ہی کانوڑ آگے بڑھے تو کانوڑ میں کرنٹ آنے لگا۔ ٹریکٹر ٹرالی میں کرنٹ لگنے سے کئی لوگ جھلس گئے اور کئی کی موت ہو گئی۔ زخمیوں کو علاج کے لیے اسپتال بھیج دیا گیا ہے۔ یہ بچے رالی چوہان گاؤں کے رہنے والے ہیں۔ اس کے ساتھ ایک نوجوان نے کہا کہ حادثہ 11000 لائن کے کانوڑ ڈی جے کو ٹچ کرنے کی وجہ سے ہوا اور یہ جے ای کی لاپرواہی ہے۔ دوسری جانب اس حادثے کے بارے میں پولیس کا کہنا ہے کہ رالی چوہان گاؤں میں ہریدوار سے کانوڑ کو لا رہے تھے، ان کا ڈی جے 11 ہزار کی لائن سے ٹکرا گیا۔
-بھارت ایکسپریس
