Bharat Express DD Free Dish

Massive Fire at Pune’s Timber Market: پونے کے ٹمبر مارکیٹ میں بھیانک آگ، 50 سے زائد دکانیں جل کر خاکستر

آگ لگنے کی اطلاع ملتے ہی پونے فائر بریگیڈ کی کئی گاڑیاں موقع پر پہنچ گئیں۔ آگ بجھانے کے لیے مجموعی طور پر 27 فائر بریگیڈ گاڑیاں تعینات کی گئیں، جن میں پونے کینٹونمنٹ کی ایک اور پی ایم آر ڈی اے کی دو گاڑیاں بھی شامل تھیں۔

پونے: مہاراشٹر کے پونے میں واقع ٹمبر مارکیٹ میں منگل اور بدھ کی درمیانی شب بھیانک آگ لگنے سے افراتفری مچ گئی۔ جے ولبھ اسکول کے قریب لکڑی کا سامان رکھنے والی دکانوں میں رات تقریباً 2 بج کر 5 منٹ پر آگ لگی۔ دیکھتے ہی دیکھتے آگ نے آس پاس کی کئی دکانوں کو اپنی زد میں لے لیا۔ اس واقعے میں تقریباً 50 سے 60 سے زائد دکانیں متاثر ہوئی ہیں۔

آگ بجھانے کے لیے 27 فائر بریگیڈ گاڑیاں تعینات

آگ لگنے کی اطلاع ملتے ہی پونے فائر بریگیڈ کی کئی گاڑیاں موقع پر پہنچ گئیں۔ آگ بجھانے کے لیے مجموعی طور پر 27 فائر بریگیڈ گاڑیاں تعینات کی گئیں، جن میں پونے کینٹونمنٹ کی ایک اور پی ایم آر ڈی اے کی دو گاڑیاں بھی شامل تھیں۔

فائر بریگیڈ کے اہلکاروں نے چاروں جانب سے پانی کی بوچھار کرکے آگ پر قابو پانے کی کوشش کی۔ آگ کو آس پاس کی رہائشی بستیوں اور گھروں تک پھیلنے سے روکنے کے لیے خصوصی احتیاط برتی گئی۔ تقریباً دو گھنٹے کی سخت مشقت کے بعد آگ پر قابو پالیا گیا۔ فی الحال جائے وقوعہ پر کولنگ آپریشن جاری ہے۔

150 سے زائد فائر بریگیڈ اہلکار موقع پر موجود

جائے وقوعہ پر چیف فائر آفیسر گنیش سونونے، ڈپٹی چیف فائر آفیسر وجے بھیلارے، فائر آفیسر راجیش جگتاپ، پرمود سوناونے، کملیش چودھری، کیلاش شندے اور نلیش مہاجن سمیت تقریباً 10 افسران اور 150 اہلکار تعینات رہے۔ پونے میونسپل کارپوریشن کے اسسٹنٹ کمشنر گرم اور ان کی ٹیم بھی موقع پر پہنچی۔ حکام کے مطابق فی الحال آگ پر مکمل طور پر قابو پالیا گیا ہے۔ اس واقعے میں کسی کے زخمی ہونے کی اطلاع نہیں ہے۔ آگ لگنے کی وجہ کا ابھی پتہ نہیں چل سکا ہے۔

ایکسائز ڈپارٹمنٹ کے دفتر کی پارکنگ میں بھی آگ

اس سے پہلے مہاراشٹر کے بیڑ شہر میں دھانورا روڈ پر واقع محکمہ ایکسائز (انسداد شراب نوشی محکمہ) کے دفتر کی پارکنگ میں اچانک آگ لگ گئی تھی۔ آگ نے پارکنگ میں کھڑی پانچ چار پہیہ گاڑیوں سمیت کئی دو پہیہ گاڑیوں کو اپنی زد میں لے لیا تھا۔

اطلاع ملنے پر آگ بجھانے کے لیے فائر بریگیڈ کی جانب سے صرف ایک گاڑی موقع پر بھیجی گئی تھی۔ آگ بجھانے کے دوران فائر بریگیڈ گاڑی کا پانی ختم ہوگیا، جس کے بعد اسے دوبارہ پانی بھرنے کے لیے جانا پڑا۔ اس عمل میں تقریباً 15 منٹ کی تاخیر ہوئی۔ اس دوران آگ مزید پھیل گئی اور اس نے بھیانک شکل اختیار کرلی۔

بھارت ایکسپریس۔



بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔

Also Read