Sonali Bendre gets lost in Munawar’s comedy: منور فاروقی کی کامیڈی میں کھو جاتی ہیں سونالی بیندرے، کہا- ’بھول جاتی ہوں کہ مجھے شو ہوسٹ کرنا ہے‘

ممبئی: اداکارہ سونالی بیندرے ان دنوں ’پتی پتنی اور پنگا‘ کے دوسرے سیزن میں میزبان کے طور پر واپسی کر رہی ہیں۔ پہلے سیزن میں کامیڈین منور فاروقی کے ساتھ میزبانی کا ان کا تجربہ کافی دلچسپ رہا تھا۔ آئی اے این ایس کو دیے گئے انٹرویو میں سونالی نے کہا کہ منور کا مزاح اتنا عمدہ ہے کہ کئی بار وہ ان کی باتیں سنتے ہوئے کھو جاتی ہیں اور ہنسنے لگتی ہیں۔ ایسے میں انہیں یاد ہی نہیں رہتا کہ انہیں شو بھی ہوسٹ کرنا کرنا ہے۔

منور فاروقی کے ساتھ کام کرنے کا تجربہ

آئی اے این ایس سے گفتگو کے دوران سونالی بیندرے نے منور فاروقی کے ساتھ کام کرنے کے اپنے تجربات شیئر کیے۔ انہوں نے کہا، ’’’پتی پتنی اور پنگا‘ کے پہلے سیزن میں میں پہلی بار منور کے ساتھ میزبانی کر رہی تھی۔ وہ بہت اچھے انسان ہیں اور ایک اسٹینڈ اپ کامیڈین بھی ہیں۔ کئی بار میں بھول جاتی ہوں کہ مجھے شو کی میزبانی کرنی ہے، کیونکہ مجھے ان کی باتیں سننے میں بہت مزہ آتا ہے اور میں ہنسنے لگتی ہوں۔ میں نے ان سے کافی کچھ سیکھا ہے اور مجھے لگتا ہے کہ دوسرے سیزن کے لیے میں نے پہلے سے کچھ زیادہ تیاری کی ہے۔‘‘

دوسرے سیزن میں پہلے سے زیادہ پُراعتماد

سونالی نے کہا، ’’پہلے سیزن میں میں شو کے ماحول اور میزبانی کے طریقے کو سمجھنے کی کوشش کر رہی تھی۔ اب میں شو کے ساتھ زیادہ مطمئن اور پُراعتماد محسوس کرتی ہوں اور دوسرے سیزن سے پہلے کے مقابلے میں زیادہ لطف اندوز ہو رہی ہوں۔ پہلے سیزن میں میں اپنی جگہ بنانے کی کوشش کر رہی تھی، جبکہ اس بار مجھے کام کرنے میں زیادہ مزہ آ رہا ہے۔‘‘

’پتی پتنی اور پنگا‘ بھارتی شادیوں کا جشن

’پتی پتنی اور پنگا‘ کے تصور کے بارے میں بات کرتے ہوئے سونالی نے اسے بھارت کا اصل شو قرار دیا۔ انہوں نے کہا، ’’یہ بھارت کا اپنا شو ہے اور اس کا تصور بھی یہیں کا ہے۔ مجھے لگتا ہے کہ ’پتی پتنی اور پنگا‘ شادیوں کا جشن مناتا ہے۔ بھارتی شادیاں دنیا کے دوسرے ممالک کی شادیوں سے کافی مختلف ہوتی ہیں۔ ان میں صرف محبت ہی نہیں، بلکہ کئی طرح کے جذبات، تفریح اور دلچسپ لمحات بھی شامل ہوتے ہیں۔ یہ شو انہی پہلوؤں کو سامنے لاتا ہے۔‘‘

سونالی نے مزید کہا، ’’بھارتی شادیوں میں ڈرامہ، محبت، لڑائی، غصہ، جشن، کھانا پینا، رقص اور گانے جیسی کئی چیزیں شامل ہوتی ہیں۔ اس کے ساتھ ہی میاں بیوی کے درمیان ایک دوسرے کی کھنچائی اور مذاق بھی چلتا رہتا ہے۔ کبھی لڑکیاں لڑکوں کو چھیڑتی ہیں تو کبھی لڑکے لڑکیوں کی ٹانگ کھینچتے ہیں۔ یہی چھوٹی چھوٹی باتیں رشتوں میں خوشی اور اپنائیت پیدا کرتی ہیں۔ میرا ماننا ہے کہ اس شو میں ان تمام جذبات اور رشتوں کی جھلک دیکھنے کو ملتی ہے۔‘‘

پہلے سیزن کو ملا ناظرین کا بھرپور پیار

سونالی نے پہلے سیزن کو ملنے والے ردعمل کے بارے میں بھی بات کی۔ انہوں نے کہا، ’’جب ہم پہلے سیزن پر کام کر رہے تھے تو مجھے نہیں معلوم تھا کہ ناظرین اسے پسند کریں گے یا نہیں، لیکن ناظرین نے ہمیں اتنا پیار دیا کہ ہم دوسرا سیزن لے کر آ رہے ہیں۔ مجھے امید ہے کہ اس بار ہم سب پہلے سے زیادہ لطف اندوز ہوں گے اور ناظرین کو بھی یہ سیزن پہلے سے زیادہ پسند آئے گا۔‘‘

دوسرے سیزن میں کئی مشہور جوڑیاں آئیں گی نظر

’پتی پتنی اور پنگا‘ کے دوسرے سیزن میں راہل ویدیا اور دیشا پرمار، ارجن بجلانی اور نیہا سوامی بجلانی، شبیر اہلوالیہ اور کانچی کول، دیپیکا سنگھ اور روہت راج گوئل، دویانکا ترپاٹھی اور وویک دہیا، منوج تیواری اور سرُبھی تیواری کے علاوہ ارچنا پورن سنگھ اور پرمیت سیٹھی بھی نظر آ رہے ہیں۔ یہ شو 10 اکتوبر کو جیو ہاٹ اسٹار پر پریمیئر ہوا۔

بھارت ایکسپریس۔