امتحانات کا موسم قریب آتے ہی وزیر اعظم نریندر مودی (PM Modi) ایک بار پھر ملک بھر کے طلبہ کا حوصلہ بڑھانے کے لیے تیار ہیں۔ وزیر اعظم مودی نے آج اعلان کیا ہے کہ ’پریکشا پہ چرچا‘ (Pariksha Pe Charcha) کا خصوصی ایپی سوڈ 6 فروری 2026 کو نشر کیا جائے گا۔ اس بار یہ پروگرام اس لیے بھی خاص ہے کہ وزیراعظم نے صرف دہلی میں ہی نہیں بلکہ ملک کے مختلف حصوں میں جا کر طلبہ سے ملاقات کی ہے۔
پانچ شہروں میں لگی ’وزیر اعظم کی کلاس‘
وزیر اعظم نریندر مودی نے سوشل میڈیا پلیٹ فارم ’ایکس‘ پر جانکاری دیتے ہوئے بتایا کہ اس سال انہوں نے روایتی انداز سے ہٹ کر دیوموگرا، کوئمبٹور، رائے پور، گوہاٹی اور دہلی میں 7، لوک کلیان مارگ (LKM) پر ’ایگزام واریئرز‘ کے ساتھ انٹرایکٹو سیشنز منعقد کیے۔ وزیر اعظم مودی نے اپنی پوسٹ میں لکھا: ’’جیسے جیسے امتحانات قریب آ رہے ہیں، #ParikshaPeCharcha بھی واپس آ گیا ہے! اس بار گفتگو دیوموگرا، کوئمبٹور، رائے پور، گوہاٹی اور دہلی میں ہوئی۔ ہمیشہ کی طرح، اپنے نوجوان دوستوں کے ساتھ بات چیت کرنا اور اسٹریس فری امتحانات پر گفتگو کرنا ایک تازگی بخش (Refreshing) تجربہ رہا۔‘‘
As the Parikshas are approaching, #ParikshaPeCharcha is back too!
This time, the Charcha happened with #ExamWarriors in Devmogra, Coimbatore, Raipur, Guwahati and at 7, LKM in Delhi. As always, it is refreshing to interact with my young friends and discuss stress free exams… pic.twitter.com/HOEmDZIR7B
— Narendra Modi (@narendramodi) February 3, 2026
ڈرنا نہیں، ڈٹ کر مقابلہ کرنا ہے
وزیر اعظم نے طلبہ کے ساتھ اپنے تجربے کو حوصلہ افزا قرار دیا۔ انہوں نے کہا کہ طلبہ کا جوش و خروش اور کھلا پن قابلِ دید تھا۔ ان سیشنز کے دوران وزیرِ اعظم نے اسٹریس فری امتحانات دینے کے مشورے دیے، چیلنجز سے نمٹنے اور توازن برقرار رکھنے (Maintaining Balance) پر گفتگو کی، اور طلبہ میں خود اعتمادی (Confidence) پیدا کرنے کے گر سکھائے۔
وزیراعظم کی عوام سے اپیل
وزیر اعظم نے اپنے سوشل میڈیا پیغام کے ذریعے ملک کے عوام، بالخصوص طلبہ، والدین اور اساتذہ کو 6 فروری کو نشر ہونے والے اس خصوصی ایپی سوڈ کو دیکھنے کی دعوت دی ہے، تاکہ وہ بھارت کے نوجوانوں کی اجتماعی فکر اور توانائی کا مشاہدہ کر سکیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
