نئی دہلی: آرمڈ فورسز فلیگ ڈے کے موقع پر نائب صدر سی پی رادھا کرشنن اور وزیراعظم نریندر مودی نے ملک کی مسلح افواج کو احترام پیش کیا اور قوم کے تحفظ میں ان کی غیر متزلزل خدمات کو سراہا۔ ایکس پر جاری پیغام میں وزیراعظم مودی نے لکھا: ’’آرمڈ فورسز فلیگ ڈے کے موقع پر ہم اُن بہادر مردوں اور عورتوں کا شکریہ ادا کرتے ہیں جو بے مثال ہمت اور جذبے کے ساتھ ہماری سرحدوں کی حفاظت کرتے ہیں۔ ان کا ضبط، حوصلہ اور قربانی بھارت کو محفوظ اور مضبوط بناتی ہے۔ آئیے، ہم سب آرمڈ فورسز فلیگ ڈے فنڈ میں اپنا حصہ ڈالیں۔‘‘
On Armed Forces Flag Day, we express our deepest gratitude to the brave men and women who protect our nation with unwavering courage. Their discipline, resolve and spirit shield our people and strengthen our nation. Their commitment stands as a powerful example of duty,… pic.twitter.com/94XWoCo1rU
— Narendra Modi (@narendramodi) December 7, 2025
نائب صدر نے ایک ماہ کی تنخواہ عطیہ کی
اس موقع پر وزارت دفاع کے ایک وفد نے نائب صدر کو آرمڈ فورسز فلیگ ڈے کا لپیل پن لگایا، جس کی قیادت سابق فوجیوں کی فلاح و بہبود کے محکمے کی سکریٹری سُکرتی لکھی نے کی۔ نائب صدر نے اپنی ایک ماہ کی تنخواہ فنڈ میں عطیہ کرکے مثال قائم کی۔ انہوں نے عوام سے اپیل کرتے ہوئے کہا: ’’آئیے، ہم سب شہداء، معذور سابق فوجیوں اور اُن کے اہل خانہ کے لئے اس فنڈ میں عطیہ کریں اور ان کی خدمات کا اعتراف کریں۔‘‘
دیگر رہنماؤں کا اظہارِ تشکر اور اپیل
جموں و کشمیر کے لیفٹیننٹ گورنر منوج سنہا نے ایکس پر پیغام میں شہداء اور اہلکاروں کا شکریہ ادا کرتے ہوئے عوام سے بھرپور تعاون کی اپیل کی۔ چیف آف ڈیفنس اسٹاف جنرل انل چوہان نے مسلح افواج کے موجودہ جوانوں، سابق فوجیوں اور شہیدوں کے اہل خانہ کو مبارکباد پیش کرتے ہوئے ان کی لازوال خدمات کو سلام کیا۔ مرکزی وزیر مملکت برائے دفاع سنجے سیٹھ نے بھی سوشل میڈیا پر فوج کی خدمات کو سراہتے ہوئے شہریوں سے فلیگ ڈے فنڈ میں عطیہ دینے کی درخواست کی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
