بہار الیکشن 2025: بہار اسمبلی انتخابات کے دوران وزیرِ اعظم نریندر مودی کے جن نایک کرپوری ٹھاکر کے آبائی گاؤں کرپوری گرام پہنچنے سے ان کے خاندان میں خوشی اور فخر کا ماحول پیدا ہوگیا۔ مرکزی وزیرِ مملکت رام ناتھ ٹھاکر کی بیٹی اور کرپوری ٹھاکر کی پوتی امرتا کماری نے جذباتی انداز میں کہا کہ انہوں نے کبھی نہیں سوچا تھا کہ کوئی وزیرِ اعظم ان کے گاؤں آسکتا ہے۔
انہوں نے کہا، “وزیرِ اعظم مودی میرے دادا جی کی جنم بھومی پر آئےمجھے اور میرے خاندان کو یہ بہت اچھا لگا۔ یہ میری سوچ سے باہر ہے۔‘‘امرتا کماری نے بتایا کہ وزیرِ اعظم مودی نے ان سے بات چیت کی اور ان کے کام اور تعلیم کے بارے میں پوچھا۔ انہوں نے کہا کہ یہ لمحہ ان کے لیے فخر کا باعث ہے۔
وزیرِ اعظم مودی نے دیا آشیرواد
رام ناتھ ٹھاکر کی دوسری پوتی مانسوی چندرا نے بتایا کہ وزیرِ اعظم مودی نے انہیں آشیرواد دیا اور آگے بڑھنے کی ترغیب دی۔ مانسوی نے ڈاکٹر بننے اور سیاست میں آ کر اپنے خاندان کی وراثت کو آگے بڑھانے کی خواہش ظاہر کی۔ انہوں نے یہ بھی بتایا کہ وزیرِ اعظم مودی، وزیرِ اعلیٰ نتیش کمار اور ان کے سیکورٹی اہلکاروں نے کرپوری ٹھاکر کے مجسمے پر مالا چڑھانے سے پہلے جوتے اتارے، جو ان کے زمین سے جڑے ہوئے لیڈر ہونے کی علامت ہے۔
لوگوں کے لیے فخر کا موقع
مرکزی وزیرِ مملکت رام ناتھ ٹھاکر نے وزیرِ اعظم مودی کے آمد کو علاقے کے عوام کے لیے باعثِ فخر قرار دیا۔ انہوں نے کہا کہ مودی جی نے کرپوری ٹھاکر کے مجسمے پر مالا چڑھاکر ان کو خراجِ عقیدت پیش کیا اور عوام سے ان کے اصولوں پر چلنے کی اپیل کی۔ رام ناتھ ٹھاکر نے مزید کہا کہ وزیرِ اعظم مودی نے کرپوری ٹھاکر کی جنم بھومی سے انتخابی مہم کا آغاز کرکے این ڈی اے اتحاد کو مضبوط کیا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
