دہلی کے پنڈت دین د یال اپادھیائے مارگ پر بی جے پی کا ایک اور دفتر مکمل ہو گیا ہے۔ پی ایم نریندر مودی پیر کو پنڈت دین د یال اپادھیائے مارگ پر واقع دہلی بی جے پی کے نئے دفتر کا افتتاح کریں گے۔ یہ افتتاح نوراتری کے دوران سپتمی کے مبارک موقع پر کیا جا رہا ہے۔ یہ تقریب دہلی بی جے پی کے لیے ایک اہم سنگ میل ہوگی، جس میں پارٹی کے اعلیٰ رہنما اور ہزاروں کارکن شرکت کریں گے۔
भारतीय जनता पार्टी, दिल्ली प्रदेश के नवनिर्मित कार्यालय में गृह प्रवेश पूजन एवं हवन। @blsanthosh @Virend_Sachdeva https://t.co/aCR0BaFfbc
— BJP Delhi (@BJP4Delhi) September 29, 2025
بی جے پی کے قومی صدر جے پی نڈا، دہلی کی وزیر اعلیٰ ریکھا گپتا، پارٹی کے سینئر رہنما، مرکزی وزراء، اراکین پارلیمنٹ، ارکان اسمبلی، اور پارٹی سے زمین سے جڑے کارکن افتتاحی تقریب میں موجود ہوں گے۔ دہلی بی جے پی کے صدر ویرندر سچدیوانے اتوار کو پریس کانفرنس میں بتایا کہ پی ایم مودی پارٹی کے نئے دفتر کا باقاعدہ افتتاح کریں گے۔ انہوں نے اس موقع کو “تاریخی” قرار دیا اور نئی عمارت کی تعمیر مکمل ہونے پر دہلی بی جے پی کے تمام کارکنوں کو مبارکباد دی۔
دہلی میں پارٹی دفاتر کی تاریخ یاد کرتے ہوئے سچدیوانے کہا، “بی جے پی کی بنیاد کے بعد پہلا دفتر اجمیری گیٹ پر کھولا گیا تھا۔ بعد میں کچھ عرصہ رکاب گنج روڈ پر رہا اور پھر تقریباً 35 سال تک 14 پنڈت پنت مارگ پر قائم رہا۔ اب پارٹی کی اپنی عمارت دین د یال اپادھیائے مارگ پر ہے۔ یہ سفر چیلنجوں سے بھرپور رہا، لیکن قابل ذکر بھی ہے۔” انہوں نے کہا کہ نئی دہلی میں بی جے پی دفتر کا سنگ بنیاد بی جے پی کے قومی صدر جے پی نڈا نے 9 جون 2023 کو رکھا تھا۔
سچدیوانے پی ایم مودی، وزیر داخلہ امت شاہ اور بی جے پی صدر جے پی نڈا کا شکریہ ادا کرتے ہوئے کہا کہ ان کی دور اندیش قیادت کی بدولت تنظیم نے ملک کی تمام ریاستوں کی راجدھانیوں اور اضلاع میں پارٹی دفاتر قائم کرنے کا ہدف طے کیا۔ اس مشن کے تحت، دہلی ریاست دفتر سے متعلق طویل عرصے سے زیر التوا زمین کے تنازعے کو حل کیا گیا اور تعمیراتی کام بھی مکمل ہو گیا۔ انہوں نے مزید کہا کہ دہلی کے تمام 14 تنظیمی اضلاع میں اب اپنے دفاتر ہیں، جو پارٹی کی زمینی سطح پر تنظیم کو مضبوط کرنے کے عزم کو ظاہر کرتا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
