نئی دہلی: ہانگ کانگ سے دہلی آنے والی ایئر انڈیا کی پرواز AI 315 کے ساتھ منگل کے روز ایک خطرناک واقعہ پیش آیا، جب دہلی کے اندرا گاندھی انٹرنیشنل ایئرپورٹ پر لینڈنگ کے بعد طیارے کے Auxiliary Power Unit (APU) میں آگ لگ گئی۔
تمام مسافر اور عملہ محفوظ
خوش قسمتی سے تمام مسافر اور عملہ محفوظ رہے۔ ایئر انڈیا کی جانب سے جاری بیان کے مطابق، یہ واقعہ اس وقت پیش آیا جب طیارہ گیٹ پر کھڑا تھا اور مسافروں کا اترنا شروع ہو چکا تھا۔ APU سسٹم، جو عام طور پر طیارے کی دم میں ہوتا ہے، مین انجن بند ہونے کے بعد طیارے کے ضروری نظاموں کو بجلی فراہم کرتا ہے۔ ترجمان نے کہا کہ پرواز AI 315 جو 22 جولائی کو ہانگ کانگ سے دہلی آ رہی تھی، لینڈنگ کے بعد جب گیٹ پر کھڑی تھی، APU میں آگ لگنے کا واقعہ پیش آیا۔ یہ واقعہ مسافروں کے اترنے کے دوران پیش آیا، اور سسٹم ڈیزائن کے مطابق APU خودبخود بند ہوگیا۔
طیارے کو فی الحال گراؤنڈ کر دیا گیا
بیان کے مطابق، طیارے کو کچھ نقصان ضرور پہنچا ہے لیکن تمام مسافر اور عملہ باحفاظت اور معمول کے مطابق طیارے سے باہر آ گئے۔ کسی کے زخمی ہونے کی کوئی اطلاع نہیں ہے۔ ایئر انڈیا نے بتایا کہ طیارے کو فی الحال گراؤنڈ کر دیا گیا ہے اور تکنیکی جانچ و تفتیش جاری ہے۔ ایوی ایشن ریگولیٹری اتھارٹی کو بھی واقعہ کی مکمل اطلاع دے دی گئی ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
