آئی آئی ٹی کھڑگپور میں طالب علم کی پراسرار موت
کولکتہ: انڈین انسٹی ٹیوٹ آف ٹیکنالوجی (IIT) کھڑگپور کے الیکٹریکل انجینئرنگ کے دوسرے سال کے طالب علم کی کیمپس میں پراسرار حالات میں موت ہو گئی۔ طالب علم کی شناخت چندردیپ پوار کے طور پر کی گئی ہے، جو پیر کی رات مردہ پایا گیا تھا۔ گزشتہ چار دنوں میں کیمپس میں انسٹی ٹیوٹ کے طالب علم کی موت کا یہ دوسرا واقعہ ہے۔ اس سے قبل 18 جولائی کو ریتم منڈل کی لاش اس کے ہاسٹل کے کمرے میں پراسرار حالت میں ملی تھی۔ وہ مکینیکل انجینئرنگ کے چوتھے سال کا طالب علم تھا۔
ادارے کے اہلکاروں نے مقامی پولیس کو کیا بتایا؟
ادارے کے اہلکاروں نے مقامی پولیس کو بتایا کہ پیر کی شب رات کا کھانا کھانے کے بعد طالب علم نے ڈاکٹر کے مشورے پر دوائی کھائی۔ مقامی پولیس ذرائع کے مطابق دوا اس کے گلے کی نلی (ٹریچیا) میں پھنس گئی، جس سے اس کی موت ہوگئی۔
پوسٹ مارٹم رپورٹ میں پتہ چلے گی موت کی اصل وجہ
مدھیہ پردیش کے رہنے والے پوار کو آئی آئی ٹی کھڑگپور کیمپس کے ایک اسپتال لے جایا گیا، لیکن ڈاکٹروں نے اسے مردہ قرار دے دیا۔ پوار کی لاش کو پوسٹ مارٹم کے لیے بھیج دیا گیا ہے۔ اس کی موت کی اصل وجہ پوسٹ مارٹم رپورٹ آنے کے بعد ہی معلوم ہو سکے گی۔
پچھلے کچھ دنوں سے ذہنی دباؤ میں تھا طالب علم
مقامی پولیس نے معاملے کی تفتیش شروع کر دی ہے۔ مہلوک طالب علم کے اہل خانہ کو پیر کی رات ہی اطلاع دے دی گئی اور وہ منگل کی صبح کھڑگپور پہنچے۔ انسٹی ٹیوٹ سے وابستہ ایک شخص نے بتایا کہ پوار پچھلے کچھ دنوں سے ذہنی دباؤ میں تھا۔
کیمپس کے اندر غیر فطری موت کا یہ پانچواں معاملہ
آئی آئی ٹی کھڑگپور میں کیمپس کے اندر غیر فطری موت کا یہ پانچواں معاملہ ہے۔ اس سے پہلے ریتم منڈل کی موت 18 جولائی کو ہوئی تھی۔ 12 جنوری کو الیکٹریکل انجینئرنگ کے تیسرے سال کے طالب علم شان ملک نے خودکشی کر لی تھی۔ 20 اپریل کو مہاراشٹر کے انیکیت واکر جو کہ اوشین انجینئرنگ کے آخری سال کا طالب علم تھا، ہاسٹل میں لٹکا ہوا پایا گیا۔ 4 مئی کو بہار کے محمد آصف قمر، جو بی ٹیک تھرڈ ایئر کا طالب علم تھا، ہاسٹل کے کمرے میں مردہ پایا گیا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
