احمد آباد: اڈانی انٹرپرائزز لمیٹڈ نے اسٹاک ایکسچینج کو مطلع کیا ہے کہ اس نے اپنی ذیلی کمپنی اڈانی کموڈیٹیز ایل ایل پی (ACL) اور وِلما انٹرنیشنل لمیٹڈ کی مکمل ملکیت والی ذیلی کمپنی Lence Pte. Ltd. کے ساتھ شیئر پرچیز ایگریمنٹ (SPA) پر دستخط کر دیے ہیں۔ اس معاہدے کے تحت اڈانی انٹرپرائزز لمیٹڈ (AEL) نے اعلان کیا کہ اس کی ذیلی کمپنی اڈانی کموڈیٹیز ایل ایل پی (ACL) نے اپنی 20 فیصد حصص داری اڈانی وِلمر لمیٹڈ (اب AWL Agri Business Limited) میں وِلما انٹرنیشنل سنگاپور کی ذیلی کمپنی Lence Pte. Ltd. کو فروخت کر دی ہے۔ اس لین دین کی قیمت 275 روپے فی شیئر طے کی گئی ہے، اور یہ کل 7,150 کروڑ روپے کا معاملہ ہے۔
معاہدے کی اہم تفصیلات
اس لین دین کے تحت ACL کم از کم 11 فیصد اور زیادہ سے زیادہ 20 فیصد حصص، یعنی 2.59 کروڑ شیئرز، فی شیئر 275 روپے کے حساب سے Lence کو فروخت کرے گا۔ معاہدے کی حتمی تکمیل کے بعد ACL مکمل طور پر AWL سے باہر ہو جائے گا اور AWL، ACL اور اڈانی انٹرپرائزز دونوں کی ایسوسی ایٹ کمپنی نہیں رہے گی۔
معاہدے کا پس منظر
دسمبر 2024 میں ACL اور Lence کے درمیان ایک معاہدہ ہوا تھا، جس کے تحت دونوں فریقین کو ایک دوسرے سے حصص خریدنے یا فروخت کرنے کا اختیار دیا گیا تھا، جس کی زیادہ سے زیادہ قیمت 305 روپے فی شیئر مقرر کی گئی تھی۔ اس وقت دونوں فریقین کے پاس AWL کے تقریباً 88 فیصد حصص تھے (تقریباً 44-44 فیصد برابر شراکت داری)۔ اس سے قبل ACL نے جنوری 2025 میں ‘آفر فار سیل’ کے تحت 13.51 فیصد حصص عوام کو 276.51 روپے فی شیئر پر فروخت کیے تھے، جس کے نتیجے میں AWL میں عوامی شیئر ہولڈنگ 25.30 فیصد ہو گئی تھی، تاکہ SEBI کی کم از کم عوامی شیئر ہولڈنگ (MPS) کی شرط پوری کی جا سکے۔
معاہدے سے مالی فائدہ
اس حالیہ معاہدے سے ACL کو 10,874 کروڑ روپے کی نقد آمدنی متوقع ہے، جب کہ جنوری کی فروخت سے پہلے ہی 4,855 کروڑ روپے حاصل کیے جا چکے ہیں۔ یوں مجموعی طور پر 15,729 کروڑ روپے کی آمدنی ACL کو حاصل ہوگی، جو مکمل طور پر اڈانی انٹرپرائزز لمیٹڈ کی ملکیت ہے۔
معاہدے کی قانونی و انتظامی حیثیت:
SPA کی شرائط میں نمائندگی، انڈمنٹی، اور معاہدے کی منسوخی جیسے نکات شامل ہیں۔ معاہدے کی تکمیل کے بعد، 1999 سے رائج شیئر ہولڈرز ایگریمنٹ، اس کی تمام تر ترامیم اور 2021 کا Inter-se ایگریمنٹ بھی ختم کر دیا جائے گا۔ Lence کو 20 فیصد سے زائد حصص کی خریداری کے لیے تمام مسابقتی اداروں (anti-trust authorities) سے منظوری لینا لازم ہوگا۔
بقایا حصص کی فروخت
AWL میں ACL کی باقی ماندہ 10.42 فیصد حصص مختلف پہلے سے شناخت شدہ سرمایہ کاروں کو فروخت کی جائیں گی، جس کے بعد ACL کی AWL میں مکمل ملکیت ختم ہو جائے گی۔ اڈانی انٹرپرائزز لمیٹڈ کے جوائنٹ پریسیڈنٹ (لیگل) اور کمپنی سیکریٹری، جاتن جالندھوالا نے بیان جاری کرتے ہوئے کہا، یہ لین دین نہ صرف مالی استحکام لائے گا بلکہ اڈانی گروپ کی اسٹریٹجک تنظیم نو کا بھی حصہ ہے۔ یہ لین دین اڈانی گروپ کے کارپوریٹ ڈھانچے میں ایک بڑی تبدیلی کی نشاندہی کرتا ہے، جس کا مقصد مالیاتی لیکویڈیٹی میں اضافہ اور بنیادی کاروباروں پر توجہ مرکوز کرنا ہے۔ اڈانی وِلمر سے ACL کی مکمل علیحدگی کمپنی کے طویل مدتی وژن کی جانب ایک اہم قدم ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
