اسرائیل اور ایران کے درمیان گزشتہ 6 دنوں سے جنگ جاری ہے۔ دونوں ملک ایک دوسرے پر مسلسل میزائل حملے اور ڈرون حملے کر رہے ہیں۔ ایران کے ساتھ بڑھتی کشیدگی کے درمیان اسرائیل نے قومی ایمرجنسی اعلان کردیا ہے۔ اسی درمیان تل ابیب میں واقع ہندوستانی سفارت خانہ نے اسرائیل میں رہنے والے ہندوستانی شہریوں کو ایک ضروری مشورہ دیا ہے۔ ساتھ ہی ہندوستانی سفارت خانہ نے سبھی شہریوں سے محتاط رہنے کی اپیل کی ہے۔
ہندوستانی سفارت خانے نے اسرائیل میں رہنے والے ہندوستانی شہریوں کومشورہ دیا کہ وہ ایران اسرائیل تنازعہ کے درمیان پروٹوکول پرعمل کریں۔ انہوں نے شہریوں کی سہولت کے لئے ہیلپ لائن نمبرجاری کئے ہیں۔ ان کا کہنا تھا کہ کسی دوسری قسم کی مدد حاصل کرنے کے لئے پہلے سفارت خانے میں رجسٹرہونا ضروری ہے۔ سفارت خانہ نے لوگوں سے اپیل کرتے ہوئے کہا کہ اسرائیلی ہوم فرنٹ کمانڈ کی طرف سے جاری کئے گئے سیکورٹی پروٹوکول پرسختی سے عمل کیا جائے۔
شہریوں سے کی گئی یہ بڑی اپیل
ہندوستانی سفارت خانہ نے اسرائیل اور ایران کے درمیان بڑھتی کشیدگی کو دیکھتے ہوئے ہندوستانی شہریوں سے محتاط رہنے کی اپیل کی۔ انہوں نے شہریوں سے اسرائیلی ہوم فرنٹ کمانڈ کی ہدایات پرعمل کرنے کا مشورہ دیا گیا ہے اور کہا گیا ہے کہ شہری باقاعدہ طورپراپڈیٹ رہنے کے لئے //www.oref.org.il/eng ویب سائٹ کو دیکھ سکتے ہیں۔ ہندوستانی سفارت خانہ نے کہا کہ اسرائیل میں صورتحال ابھی بھی نازک بنی ہوئی ہے۔ یہ ہدایات ذاتی حفاظت کو مدنظررکھتے ہوئے جاری کی گئی ہیں۔ لہذا مقامی حفاظتی مشوروں پرعمل کرنا انتہائی ضروری ہے۔ شہریوں کو میزائل سائرن بجنے سے تقریباً 10 منٹ پہلے ہوم فرنٹ کمانڈ ایپ اورسیل براڈ کاسٹرسسٹم کے ذریعہ الرٹ ملتے ہیں، جس سے انہیں بم شیلٹرتک پہنچنے کا وقت مل جاتا ہے۔
📢 Advisory/Notice for Indian nationals in Israel (as on June 17)
Links:
👉🏻Registration with Embassy: https://t.co/dVJr9zxrqv
👉🏻Israeli Home Front Command https://t.co/033m9px3sR
👉🏻Border Crossings: https://t.co/Rc5iNzURLr
👉🏻e-Visa for Jordan: https://t.co/ovHun7NY19
👉🏻eVisa to… pic.twitter.com/eaffch9Z0Q— India in Israel (@indemtel) June 17, 2025
اسرائیل سے باہر نکلنے کے لئے اپنائیں یہ طریقہ
ہندوستانی سفارت خانہ نے کہا کہ جو ہندوستانی شہری اسرائیل چھوڑ کر جانا چاہتے ہیں، وہ زمینی سرحد یعنی زیرزمین راستہ استعمال کریں۔ ہندوستانی سفارت خانہ نے کہا کہ مسافروں کوچاہئے کہ وہ موجودہ آپریٹنگ کے ٹائم ٹیبل کو چیک کریں اوراس بات کویقینی بنائیں کہ ان کے پاس سرحد پارکرنے کے لیے ضروری ویزا اورفیس موجود ہے۔ ہندوستانی سفارت خانہ نے کہا کہ ہندوستانی شہریوں کواس کے بارے میں مزید جانکاری حاصل کرنے کے لئے ویب سائٹ https://www.iaa.gov.il/en/ پرجاکردیکھ سکتے ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
