بھارت کے جموں و کشمیر کے علاقے پہلگام میں ہونے والے دہشت گردانہ حملے میں بھارتی نیوی کے لیفٹیننٹ ونے نروال کی شہادت پر دہلی میں ان کو خراجِ عقیدت پیش کیا گیا۔ ان کی اہلیہ نے نم آنکھوں اور لرزتی آواز میں اپنے شوہر کو الوداع کہا۔ اس دوران وہ بار بار کہتی رہیں، “میں کیسے جیوں گی؟ کیسے رہوں گی؟” اور روتے ہوئے بولیں، “میں امید کرتی ہوں کہ ان کی روح کو سکون ملے۔ انہوں نے ایک بہترین زندگی گزاری۔ وہ ہمیشہ ہمیں فخر محسوس کراتے تھے، اور ہمیں اس فخر کو ہمیشہ سنبھال کر رکھنا چاہیے۔” پھر وہ ٹوٹ کر رو پڑیں۔
#WATCH दिल्ली: भारतीय नौसेना के लेफ्टिनेंट विनय नरवाल की पत्नी ने अपने पति को भावभीनी विदाई दी, जो पहलगाम आतंकी हमले में शहीद हो गए थे।
दोनों की शादी 16 अप्रैल को हुई थी। pic.twitter.com/RSsBOgoCg6
— ANI_HindiNews (@AHindinews) April 23, 2025
صرف 6 دن قبل ہوئی تھی شادی، ہنی مون پر گئے تھے
میڈیا رپورٹس کے مطابق، لیفٹیننٹ ونے نوروال اور ان کی اہلیہ کی شادی 16 اپریل کو ہوئی تھی اور وہ پہلگام میں چھٹیاں منانے گئے تھے۔ اسی دوران منگل کے روز دہشت گردوں نے ان پر حملہ کردیا اور گولی مار دی۔ اس واقعے کے بعد ان کی اہلیہ کی شوہر کی لاش کے پاس بیٹھی تصاویر سوشل میڈیا پر وائرل ہو رہی ہیں، جنہوں نے پورے ملک کو رنجیدہ کر دیا ہے۔
بھارتی نیوی اور قیادت کا خراج عقیدت
دہلی کے اندرا گاندھی انٹرنیشنل ایئرپورٹ پر بھارتی نیوی کے سربراہ ایڈمرل دنیش کے ترپاتھی نے لیفٹیننٹ ونے نروال کو خراج عقیدت پیش کیا۔ دہلی کی وزیر اعلیٰ ریکھا گپتا بھی اظہارِ تعزیت کے لیے وہاں پہنچیں اور ان کی اہلیہ کو دلاسہ دیتے ہوئے دیکھی گئیں۔ بعد ازاں شہید کا جسد خاکی ہریانہ کے کرنال لے جایا گیا۔
Haryana: Mortal remains of Navy officer killed in Pahalgam terror attack brought to his residence in Karnal for last rites
Read @ANI Story | https://t.co/8CBkV73Pff#Haryana #Pahalgam #Karnal #VinayNarwal #PahalgamTerroristAttack pic.twitter.com/SS1NkOZwQ5
— ANI Digital (@ani_digital) April 23, 2025
کرنال میں مقامی رکن اسمبلی جگموہن آنند نے متاثرہ خاندان سے ملاقات کی، جہاں اہلِ خانہ ان سے بغل گیر ہوکر رورہے تھے اور ہاتھ جوڑ کر آنکھوں میں آنسو لیے دعا کر رہے تھے۔
نیوی کا سرکاری بیان
نیوی کی جانب سے جاری کردہ بیان میں کہا گیا: “ایڈمرل دنیش کے ترپاٹھی، چیف آف نیول اسٹاف، اور بھارتی نیوی کے تمام افسران لیفٹیننٹ ونے نروال کی شہادت پر شدید دکھ اور صدمے میں ہیں۔ ہم اس مشکل وقت میں ان کے اہلِ خانہ کے ساتھ کھڑے ہیں اور دہشت گردی کے اس واقعے میں جان گنوانے والے تمام افراد کے اہلِ خانہ سے تعزیت کرتے ہیں۔”
یہ حملہ جہاں ایک بہادر افسر کی شہادت کا سبب بنا، وہیں ملک کو ایک بار پھر اس تلخ حقیقت کا سامنا کروایا کہ دہشت گردی کے خلاف جنگ ابھی ختم نہیں ہوئی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
