یوم جمہوریہ کی مناسبت سے 25 جنوری 2025 کو پدم ایوارڈ حاصل کرنے والی شخصیات کے ناموں کا اعلان کیا گیا تھا۔ انٹرٹینمنٹ انڈسٹری کے اریجیت سنگھ، بہترین گلوکارہ شاردا سنہا، اور فلم ڈاریکٹر شیکھر کپور کو پدم ایوارڈ سے سرفراز کیا جائے گا۔ لیکن کشور کمار،الکا یاگنک کو اس بار ایوارڈ نہیں دیا گیا جس پر سونو نگم نے ناراضگی کا اظہار کیا ہے۔
اس معاملے پر سونو نگم نے ایک ویڈیو شیئر کرتے ہوئے کہا کہ دو ایسے گلوکار جنہوں نے پوری دنیا کےنئے گلوکاروں کومتاثر کیا ہے، ان میں سے ایک کو ہم نے پدم شری پر ہی نپٹا دیا ہے وہ ہیں محمد رفیع اور ایک وہ ہیں جنہیں اب تک پدم شری بھی نصیب نہیں ہوا ہے ، ان کانام کشور کمار ہے۔انہوں نے مزید کہا کہ جو ابھی موجودہ گلوکار ہیں ان میں سے الکا یاگنک ایک ہیں جن کا اتنا لمبا کیرئیر اور کمال کی آواز کی ملکہ ہیں انہیں بھی ابھی تک کسی ایوارڈ سے نہیں نوازا گیا ہے ۔ شریا گھوشال بہت وقت سے وہ بھی اپنی آواز کا لوہا منوانے میں کامیاب رہی ہیں لیکن ابھی تک انہیں بھی کوئی ایوارڈ نہیں ملا ہے۔ سنیدھی چوہان ، انہوں نے بھی پوری ایک نسل کو متاثر کیا ہے انہیں بھی کوئی ایوارڈ نہیں ملا ہے، اور ایسے کتنے نام ہیں پھر وہ چاہیں کسی بھی فیلڈ کے ہوں جن کے ساتھ انصاف نہیں ہوا ہے۔
اریجیت سنگھ کو ملا پدم شری
بہترین گلوکارہ شاردا سنہا کو پدم وبھوشن سے نوازاجائے گا۔ اداکار اننت ناگ،ننداموری بالاکرشنا اور اجیت کمار، گلوکار پنکج ادھاس کو پدم بھوشن سے نوازا جائے گا۔جبکہ گلوکار اریجیت سنگھ کو پدم شری ایوارڈ سے نوازا جائے گا۔حالانکہ اس فہرست میں کشور کمار،الکا یاگنک اور شریا گھوشال کا نام نہ ہونے پر سونو نگم نے ناراضگی ظاہر کی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
